ចរាចរណ៍

រថយន្តទំនើបពីរគ្រឿងបុកគ្នាត្រង់ចំណុចផ្លូវបំបែកជាបួនរងការខូចខាត

បានផុស

៤ years មុន

នៅ

ថ្ងៃព្រហស្បតិ៍ ៣ កុម្ភៈ ២០២២

ដោយ

បុរសម្នាក់បើករថយន្តកាមរីមួយគ្រឿងឆ្លងផ្លូវមិនប្រយ័ត្នត្រូវបានរថយន្តមួយគ្រឿងទៀតបុកពីចំហៀងពេញទំហឹងបណ្ដាលឲ្យរងការខូចខាតសំណាងមិនមានមនុស្សរងរបួស។

ហេតុការណ៍នេះកើតឡើងកាលពីវេលាម៉ោង០៩និង៣០នាទីយប់ថ្ងៃទី០២ ខែមករា ឆ្នាំ២០២២ នៅត្រង់ចំណុចមុខខារ៉ាអូខេ ហេង ហេង ផ្កាយមាស(II) តាមបណ្ដោយផ្លូវ២២១ កែងនឹងផ្លូវ១១២ ក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់បើករថយន្តកាមរី ពណ៌ខ្មៅ មួយគ្រឿងពាក់ស្លាកលេខភ្នំពេញ2BO-7908ធ្វើដំណើរតាមបណ្ដោយផ្លូវ២២១ ទិសដៅពីជើងទៅត្បូង លុះមកដល់ចំណុចកើតហេតុខាងលើ ខ្វះការប្រុងប្រយ័ត្ន ក៏ត្រូវរថយន្តឡង់គ្រីស័រពណ៌សមួយគ្រឿងពាក់ស្លាកលេខភ្នំពេញ2AL-2717បើកបរដោយបុរសម្នាក់ធ្វើដំណើរតាមបណ្ដោយផ្លូវ១១២ ទិសដៅពីកើតទៅលិច ចាប់ហ្វ្រាំងមិនទាន់ជ្រុលបុកពីចំហៀងរថយន្តកាមរីខាងមុខផ្នែកខាងឆ្វេងពេញទំហឹងបណ្ដាលឲ្យផ្ទប់ជាប់គ្នា រងការខូចខាតរៀងខ្លួន។ ភ្លាមនោះគេឃើញម្ចាស់រថយន្តកាមេរីបានចេញពីកន្លែងកើតហេតុបាត់ ដោយឲ្យសំណាងមកធ្វើការដោះស្រាយ។

ក្រោយកើតហេតុសមត្ថកិច្ចមូលដ្ឋានបានចុះមកដល់បានឲ្យតំណាងខាងភាគីរថយន្តកាមរីធ្វើការសម្របសម្រួលគ្នាជាមួយភាគីរថយន្តឡង់គ្រីស័រ រយៈពេលមួយសន្ទុះធំ ដោយភាគីទាំងពីសម្របសម្រួលគ្នាមិនត្រូវគ្នា ទើបសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទាំងពីរគ្រឿងទៅរក្សាទុករង់ចាំធ្វើការដោះស្រាយគ្នានៅពេលក្រោយ៕

អត្ថបទ៖ សុខា