ចរាចរណ៍
ស្លាប់ម្នាក់ របួសធ្ងន់ម្នាក់ ករណីជិះបញ្ច្រាសទិសគ្នា
បុរសម្នាក់ស្លាប់ និងម្នាក់ទៀតបានរងរបួសធ្ងន់ បន្ទាប់ពីជួបគ្រោះថ្នាក់ចរាចរណ៍ រវាងរថយន្ត និងម៉ូតូបើកបរក្នុងទិសដៅបញ្ច្រាសគ្នា កាលពីថ្ងៃទី ១១ ខែមេសា ឆ្នាំ ២០២២ វេលាម៉ោង ២១ និង ៣០ នាទី នៅត្រង់ចំណុចភ្នំតូច លើផ្លូវជាតិលេខ ៧៦ ចន្លោះបង្គោល២៨៣/២៨៤ ស្ថិតនៅក្នុងភូមិព្រួក ឃុំបាតាង ស្រុកលំផាត់។
លោកជា សុភ័ក្ត្រ មេបញ្ជាការអាវុធហត្ថស្រុកលំផាត់ បានឲ្យដឹងថា រថយន្ត ១ គ្រឿង ម៉ាក តាកូម៉ា ពណ៌សរ ពាក់ស្លាកលេខភ្នំពេញ 2AA-2703 ធ្វើដំណើរពីជើងទៅត្បូង បើកបរដោយឈ្មោះ យូ លាងហុង ភេទប្រុស អាយុ ៣៩ ឆ្នាំ ជនជាតិខ្មែរ មុខរបរម្ចាស់សិប្បកម្មជាងដែក មានទីលំនៅភូមិថ្មដា សង្កាត់បឹងកន្សែង ក្រុងបានលុង ខេត្តរតនគិរី (គ្មានរបួស)។ រីឯម៉ូតូ១គ្រឿងម៉ាកស៊ីរូស ពណ៌ក្រហម គ្មានស្លាកលេខ ធ្វើដំណើរពីត្បូងទៅជើង បើកបរដោយឈ្មោះ ផាម ងុកស៊ឹម ភេទប្រុស អាយុ ៣៤ ឆ្នាំ ជនជាតិវៀតណាម មុខរបរជាងផ្ទះនៅការដ្ឋានចម្ការចេក នៅភូមិស្រែឈូក ឃុំជ័យឧត្តម ស្រុកលំផាត់ ខេត្តរតនគិរី បានស្លាប់បន្ទាប់ពីបញ្ជូនទៅដល់មន្ទីរពេទ្យបង្អែក ខេត្តរតនគិរី។ ចំណែកអ្នករួមដំណើរឈ្មោះ ងី ភេទប្រុស អាយុ ៣០ ឆ្នាំ ជនជាតិវៀតណាម មុខរបរនិងទីលំនៅជាមួយអ្នកបើកបរ រងរបួសធ្ងន់ បាក់ភ្លៅ និងស្មងជើងខាងឆ្វេង។
មេបញ្ជាការអាវុធហត្ថស្រុកលំផាត់ បានបញ្ជាក់ទៀតថា ដោយមានការសម្របសម្រួលនីតិវិធីពីលោក លាង អ៊ូ ព្រះរាជអាជ្ញារងអមសាលាដំបូងខេត្តរតនគិរី បានធ្វើការឃាត់ខ្លួន អ្នកបើកបររថយន្តដែលមានអត្តសញ្ញាណខាងលើជាបណ្តោះអាសន្ន នៅអធិការដ្ឋាននគរបាលស្រុកលំផាត់ ដើម្បីកសាងសំណុំរឿងតាមនីតិវិធី។
បច្ចុប្បន្នមធ្យោបាយទាំង ២ គ្រឿង ត្រូវបានសមត្ថកិច្ចរឹបអូសយកមករក្សាទុក នៅអធិការដ្ឋាននគរបាលស្រុកលំផាត់ ដើម្បីចាត់វិធានការទៅតាមនីតិវិធី។ ដោយឡែកសពជនរងគ្រោះ ត្រួវបានសមត្ថកិច្ចធ្វើកំណត់ហេតុ ប្រគល់ទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
អត្ថបទ៖ វុទ្ធឦសាន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ