ចរាចរណ៍

ត្រាក់ទ័របត់ចូលចម្ការ ខ្វះការប្រុងប្រយ័ត្ន ត្រូវម៉ូតូបុកពីចំហៀង ស្លាប់ភ្លាមៗនៅនឹងកន្លែង

បានផុស

៤ years មុន

នៅ

ថ្ងៃពុធ ២៧ មេសា ២០២២

ដោយ

យុវជនម្នាក់ បាត់បង់ជីវិតភ្លាមៗនៅនឹងកន្លែង ខណៈកំពុងជិះម៉ូតូ ស្រាប់តែត្រាក់ទ័រដែលបើកនៅខាងមុខ បត់ឆ្វេងដោយគ្មានផ្តល់សញ្ញា ក៏ត្រូវម៉ូតូជ្រុលទៅបុកយ៉ាងពេញទំហឹងតែម្តង។ ហេតុការណ៍នេះ បានកើតឡើងនៅព្រឹកថ្ងៃទី ២៧ ខែមេសា ឆ្នាំ ២០២២ វេលាម៉ោង ៦ និង ២៥ នាទី នៅលើកំណាត់ផ្លូវជាតិលេខ ៥៩ ត្រង់ចំណុចភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីគ្រោះថ្នាក់ចរាចរណ៍នេះដែរ គឺបាន បង្កឡើងដោយត្រាក់ទ័រ ១ គ្រឿង ដែលបានបើកបរពីជើងទៅត្បូង លុះដល់ត្រង់ចំណុចកើតហេតុខាងលើ ក៏បានបត់ចូលទៅចម្ការ ដោយមិនបានមើលមុខ មើលក្រោយឲ្យបានច្បាស់លាស់ ទើបត្រូវម៉ូតូដែលបើកបរមកពីក្រោយបុកពេញទំហេងទៅលើដែករ៉ៃត្រាក់ទ័រ និងបានស្លាប់ភ្លាមៗតែម្តង។ ជនរងគ្រោះមានឈ្មោះ សេង ពិសិទ្ធ ភេទប្រុស អាយុ ១៩ ឆ្នាំ រស់នៅក្នុងភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាក់ដំបង គោលដៅស្របទិសគ្នា ពីជើងទៅត្បូង ដោយភ្លាមៗនោះដែរអ្នកបើកបរត្រាក់ទ័របានដាក់មេផាយបាត់ស្រមោលមុនពេលសមត្ថកិច្ចចុះទៅដល់។

ក្រោយពីសមត្ថកិច្ចជំនាញចរាចរណ៍បានធ្វើការវាស់វែងរួច ក៏ប្រគល់សាកសពជូនទៅសាច់ញាតិយកទៅធ្វើបុណ្យតាមប្រពៃណី ចំណែកវត្ថុតាងត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលភ្នំព្រឹក ជាបណ្តោះអាសន្ន៕

អត្ថបទ៖ សោ និយមរ័ត្ន

Related Topics:គ្រោះថ្នាក់ចរាចរណ៍

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា