Connect with us

ចរាចរណ៍

ជិះម៉ូតូឌុបបងស្រីចេញពីកំដបុណ្យសពអ៊ុំត្រូវរថយន្តបុកកិនស្លាប់ម្នាក់

បានផុស

នៅ

យុវជនម្នាក់បានស្លាប់ និងនារីជាបងស្រីបង្កើតត្រូវរងរបួសធ្ងន់បន្ទាប់ពីពួកគេជិះម៉ូតូឌុបគ្នាទើបចេញពីបុណ្យសពអ៊ុំបង្កើត បំណងត្រឡប់ទៅផ្ទះវិញ ក៏ត្រូវរថយន្តដឹកថ្មធុនធំមួយគ្រឿងបើកបុក និងកិនជនរងគ្រោះបង្កការភ្ញាក់ផ្អើលកាលវេលាម៉ោង២២និង០០នាទីយប់ថ្ងៃទី២៨ ខែវិច្ឆិកា ឆ្នាំ២០២២ នៅតាមបណ្តោយផ្លូវ៣០ម៉ែត្រ ទល់មុខបុរីមង្គលភ្នំពេញ ស្ថិតក្នុងសង្កាត់ព្រៃស ខណ្ឌដង្កោ រាជធានីភ្នំពេញ ។ សពយុវជនរងគ្រោះឈ្មោះ រី រក្សា អាយុ១៦ឆ្នាំ មានទីលំនៅក្នុងខណ្ឌកំបូល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពព័ត៌មាននៅកន្លែងកើតហេតុបានឲ្យដឹងថា មុនកើតហេតុជនរងគ្រោះទាំង២នាក់បានជិះម៉ូតូមួយគ្រឿង ម៉ាក PCX ពណ៌ស ពាក់ស្លាកលេខ ភ្នំពេញ 1GW-2307 ឌុបគ្នាធ្វើដំណើរតាមបណ្តោយផ្លូវលេខ៣០ម៉ែត្រ ក្នុងទិស​ដៅពីកើតទៅលិច ។ លុះខណៈធ្វើដំណើរដល់ចំណុចកើតហេតុខាងលើក៏ស្រាប់តែមានរថយន្តដឹកថ្មធុនធំមួយគ្រឿង ពាក់ស្លាកលេខ ភ្នំពេញ 3F-8261 បើកបរដោយបុរសម្នាក់ស្របទិសដៅគ្នា បើកទៅបុកពីក្រោយម៉ូតូជនរងគ្រោះបណ្តាល​ឲ្យខ្ទាតដួលម៉ូតូ និងជនរងគ្រោះម្នាក់ ( អ្នកឌុបជាប្អូន ) ចូលក្រោមកង់រថយន្តកិនស្លាប់នៅកន្លែង និងនារីជាបងស្រី ដួលបោកទៅថ្នល់រងរបួសធ្ងន់ធ្ងរ ។

ភ្លាមៗ អ្នកបើករថយន្តបង្កបានបើកទ្វាររថយន្តរត់គេចចេញពីកន្លែងកើតហេតុបាត់ស្រមោលសូន្យ ។ ដោយឡែកនារីរងគ្រោះត្រូវបានពលរដ្ឋជួយទាក់ទងទៅកាន់រថយន្តសង្គ្រោះដឹកយកទៅមន្ទីរពេទ្យភ្លាមៗ ។

ក្រោយកើតហេតុកម្លាំងសមត្ថកិច្ចមូលដ្ឋាន សហការជាមួយជំនាញចុះអន្តរាគមន៍ធ្វើការវាស់វែងអូចយកទាំងរថយន្តបង្ក និងម៉ូតូជនរងគ្រោះយកទៅរក្សាទុកនៅការិយាល័យនគរបាលចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយទៅតាមផ្លូវច្បាប់នៅពេលក្រោយ ៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៥០ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ១ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម