Connect with us

ចរាចរណ៍

Update៖ សមត្ថកិច្ចរកឃើញរថយន្ដបង្កគ្រោះថ្នាក់ចរាចរណ៍នៅផ្លូវ៦០ម៉ែត្រ

បានផុស

នៅ

កម្លាំងនគរបាលអធិការដ្ឋាននគរបាលខណ្ឌដង្កោ សហការជាមួយកម្លាំងការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ នៅព្រឹកថ្ងៃទី១៣ ខែកុម្ភៈ ឆ្នាំ២០២៤នេះ បានរកឃើញរថយន្ដដែលបង្កគ្រោះថ្នាក់នៅផ្លូវ៦០ឃើញហើយ ខណៈអ្នកបើកបរយកមកចតប្លុងចោលនៅសង្កាត់ចាក់អង្រែលើ ខណ្ឌមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរបាយការណ៍របស់ស្នងការដ្ឋាននគរបាលរាជធានីភ្នពេញ រថយន្ដបង្កម៉ាក HILUX REVO ពណ៌ស ពាក់ស្លាកលេខ ភ្នំពេញ 2AQ 1520 ត្រូវបានជនបង្កបើកយកមកចតប្លុងចោលនៅមុខអាគារ បុរី អ & អេហ្វ (R&F) ស្ថិតនៅលើផ្លូវ ៦០ម៉ែត្រ សង្កាត់ចាក់អង្រែលើ ខណ្ឌមានជ័យ។ រថយន្តបង្ក ត្រូវបានយកមករក្សាទុកនៅការិយាល័យនគរបាលចរាចរណ៍ផ្លូវគោក ចំណែកអ្នកបើកបរ សមត្ថកិច្ចបានកំណត់មុខសញ្ញារួចហើយ។ សមត្ថកិ្ចចក៏សូមឱ្យអ្នកបើកបររថយន្ដបង្កចូលខ្លួនមកស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធី។

គួររំលឹកថា កាលពីយប់ថ្ងៃទី១១ ខែកុម្ភៈ ឆ្នាំ២០២៤ វេលាម៉ោង២១និង៣០នាទី ផ្លូវ៦០ម៉ែត្រ ស្ថិតនៅភូមិព្រែកថ្លឹង សង្កាត់ជើងឯក ខណ្ឌដង្កោ រថយន្តបង្កបានបើកបុកម៉ូតូម៉ាក HONDA CUB ពណ៌ខៀវ ពាក់ផ្លាកលេខ ភ្នំពេញ 1AV.8317 បណ្ដាលឱ្យរងរបួសស្រាលចំនួន២នាក់ និងស្លាប់ក្មេងស្រីម្នាក់។ ក្រោយពីកើតហេតុរថយន្ដបង្កបានបើករត់គេចខ្លួន រហូតមកដល់ព្រឹកថ្ងៃទី១៣កុម្ភៈនេះ ទើបកម្លាំងនគរបាលស្រាវជ្រាវរកឃើញ៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម