ចរាចរណ៍
បុរសម្នាក់ ជិះម៉ូតូបុកពីក្រោយរថយន្តដឹកឥដ្ឋដែលខូចចតលើស្ពានព្រែកព្នៅ ស្លាប់បាត់បង់ជីវិត
បុរសម្នាក់ ជិះម៉ូតូចេញពីកម្មវិធីការ ត្រឡប់មកវិញ ខណៈមកដល់លើស្ពានព្រែកព្នៅ បានទៅបុកពីក្រោយរថយន្តកូរ៉េដឹកឥដ្ឋ ១ គ្រឿង កំពុងខូចចតចោលលើស្ពាន ដោយមិនដាក់ភ្លើងសញ្ញា ឬ ស្លាកចំណាំង បណ្ដាលឲ្យស្លាប់នៅនឹងកន្លែងកើតហេតុភ្លាមៗ។
គ្រោះថ្នាក់ចរាចរណ៍នេះកើតឡើងកាលពីវេលាម៉ោង ១០ និង ៣០ នាទីយប់ ថ្ងៃទី ២៣ ខែមករា ឆ្នាំ ២០២៥ ចំណុចលើព្រែកព្នៅ ស្ថិតក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ សពមានឈ្មោះ ទិត្យ វិច្ចិការ ភេទប្រុស អាយុជាង ៤០ ឆ្នាំ បច្ចុប្បន្ន រស់នៅម្តុំផ្សារទួលសង្កែ ខណ្ឌឫស្សីកែវ។
ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តដឹកឥដ្ឋ ១ គ្រឿង ក្បាលពណ៌ស ពាក់ស្លាកលេខភ្នំពេញ 3C-9913 បានឈប់ចតចោលនៅលើស្ពានព្រែកព្នៅ ខណៈរថយន្តខាងលើខូចទៅមុខមិនរួច ពុំដាក់ភ្លើងសញ្ញាណាមួយ ដើម្បីចំណាំងផ្លាតនោះទេ។ ក្រោយមកស្រាប់តែគេឃើញបុរសរងគ្រោះបានជិះម៉ូតូ ១ គ្រឿង ម៉ាកហុងដាស្កុបពី ពណ៌ស ពាក់ស្លាកលេខ 1IN-4121 ជិះម្នាក់ឯង ធ្វើដំណើរចេញពីផ្លូវមហាវិថីឈ្នះឈ្នះ ឆ្ពោះឡើងស្ពានឧកញ៉ាលីយ៉ុងផាត់ ទិសដៅពីកើតមកលិច ល្បឿនលឿន ខណៈជិះមកដល់ពាក់កណ្តាលស្ពានជាចំណុចកើតហេតុ ក៏ជ្រុលទៅបុកចំពីក្រោយរថយន្តយ៉ាងពេញទំហឹងបណ្ដាលឲ្យបោកផ្ទប់នឹងជញ្ជាំងរថយន្តបែកក្បាលស្លាប់តែម្ដង ហើយភ្លាមនោះដែរ តៃកុងរថយន្ត បានគេចខ្លួនពីកន្លែងកើតហេតុបាត់ស្រមោល។
ក្រោយកើតហេតុសមត្ថកិច្ចបានចុះមកដល់រួចទាក់ទងទៅក្រុមគ្រួសារជនរងគ្រោះឲ្យមកទទួលសពដឹកតាមរថយន្តសាមុយយកទៅធ្វើបុណ្យតាមប្រពៃណី។
ចំណែកឯរថយន្ត និងម៉ូតូ សមត្ថកិច្ចជំនាញស្ទូចយកទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ជាបណ្ដោះអាសន្ន រង់ចាំភាគីសងខាងដោះស្រាយគ្នានៅពេលក្រោយ៕
អត្ថបទ ៖ សំណាង
-
ព័ត៌មានអន្ដរជាតិ១ សប្តាហ៍ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៥ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៧ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៧ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន