ចរាចរណ៍

ស្លាប់៤១៨នាក់ និងរបួសធ្ងន់៦៥៣នាក់ ក្នុងករណីគ្រោះថ្នាក់ចរាចរណ៍រយៈពេល៨៨ថ្ងៃ

បានផុស

៥ years មុន

នៅ

ថ្ងៃចន្ទ ២៩ មីនា ២០២១

ដោយ

តាមរបាយការណ៍របស់អគ្គស្នងការនគរបាលជាតិបានឲ្យដឹងថា រយៈពេល៨៨ថ្ងៃ ដោយគិតចាប់ពីថ្ងៃទី០១ ខែមករា ដល់ថ្ងៃទី២៩ ខែមីនា ឆ្នាំ២០២១នេះ មានករណីគ្រោះថ្នាក់ចរាចរណ៍កើតឡើងចំនួន៧៥០ លើក ធ្វើឲ្យមនុស្សស្លាប់ចំនួន៤១៨ នាក់ របួសចំនួន១១០៦ នាក់ របួសធ្ងន់ចំនួន៦៥៣ នាក់។

ចំណែកនៅថ្ងៃច័ន្ទ ទី២៩ ខែមីនា ឆ្នាំ២០២១នេះ មានករណីគ្រោះថ្នាក់ចរាចរណ៍ចំនួន០៤លើក ក្នុងនោះស្លាប់ចំនួន០៤ នាក់ របួសចំនួន០៥ នាក់ ក្នុងនោះរបួសធ្ងន់ចំនួន០៣នាក់ ដែលករណីគ្រោះថ្នាក់ចរាចរណ៍នេះ បានកើតឡើងនៅតាមរាជធានី ខេត្ត ចំនួន០៣។ សម្រាប់ថ្ងៃទី២៩ ខែមីនា នេះដែរ នគរបាលចរាចរណ៍ទូទាំងប្រទេសបានត្រួតពិនិត្យ និងផាកពិន័យយានយន្តសរុបចំនួន៣៣៤ គ្រឿង ក្នុងនោះមានម៉ូតូចំនួន២៤៣ គ្រឿង និងរថយន្តគ្រប់ប្រភេទចំនួន៩១ គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែករយៈពេល៨៨ ថ្ងៃ ដោយគិតចាប់ពីថ្ងៃទី០១ ខែមករា ដល់ថ្ងៃទី២៩ ខែមីនា ឆ្នាំ២០២១នេះ មានយានយន្តល្មើសចំនួន៦៧៩០៨គ្រឿង ត្រូវបានពិនិត្យ និងពិន័យ ក្នុងនោះ ម៉ូតូមានចំនួន៤៩៧៦២ គ្រឿង និងរថយន្តគ្រប់ប្រភេទចំនួន១៨១៤៦ គ្រឿង ក្នុងនោះរថយន្តតូចចំនួន១៤៤០១ គ្រឿង និងរថយន្តធំចំនួន៣៧៤៥ គ្រឿង នេះបើតាមការបញ្ជាក់ពីលោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការនគរបាលជាតិ៕

ដោយ ៖ កោះកែវ