ព័ត៌មានអន្ដរជាតិ
អ្នកនាំពាក្យកងទ័ព៖ ប្រទេសមីយ៉ាន់ម៉ា កំពុងវិលត្រឡប់មករកភាពប្រក្រតីវិញ
អ្នកនាំពាក្យកងទ័ពមីយ៉ាន់ម៉ាលោកឧត្តមសេនីយ៍ Zaw Min Tun បានប្រាប់សន្និសីទសារព័ត៌មាននៅរដ្ឋធានីណៃពិដោថា ប្រទេសនេះកំពុងវិលត្រឡប់មករកភាពប្រក្រតីវិញហើយ ខណៈក្រសួងនិងធនាគារនានា នឹងចាប់ផ្តើមប្រតិបត្តិការពេញលេញឡើងវិញក្នុងពេលឆាប់ៗ។
លោក Zaw Min Tun បាននិយាយថា “មូលហេតុនៃការកាត់បន្ថយបាតុកម្ម គឺដោយសារតែកិច្ចសហប្រតិបត្តិការរបស់ប្រជាជនដែលចង់បានសន្តិភាព ដែលយើងឲ្យតម្លៃ។ យើងស្នើសុំឲ្យប្រជាជនសហការជាមួយកងកម្លាំងសន្តិសុខ និងជួយពួកគេ”។
លោកនិយាយថា យោធាបានកត់ត្រាការស្លាប់ចំនួន២៤៨នាក់ ហើយបានបដិសេធថា អាវុធស្វ័យប្រវត្តិមិនត្រូវបានប្រើទេ។ លោកបន្តថា ប៉ូលិសចំនួន១៦នាក់ ក៏ត្រូវបានសម្លាប់ផងដែរ។
ការអះអាងនេះ បានកើតឡើងបន្ទាប់ពី ស្ថានីយ៍ទូរទស្សន៍ Myawaddy ដែលគ្រប់គ្រងដោយយោធាបានផ្សាយកាលពីថ្ងៃសុក្រថា មនុស្សចំនួន១៩នាក់ ត្រូវបានកាត់ទោសប្រហារជីវិតនៅក្នុងប្រទេសមីយ៉ាន់ម៉ា ពាក់ព័ន្ធការសម្លាប់សហការីរបស់មេបញ្ជាការកងទ័ពម្នាក់។
វាជាការកាត់ទោសប្រហារជីវិតលើកដំបូងដែលត្រូវបានប្រកាសជាសាធារណៈ ចាប់តាំងពីរដ្ឋប្រហារថ្ងៃទី០១ខែកុម្ភៈ និងការបង្ក្រាបទៅលើក្រុមបាតុករ។
របាយការណ៍បាននិយាយថា ការសម្លាប់បានកើតឡើងកាលពីថ្ងៃទី២៧ខែមីនា នៅក្នុងខណ្ឌ North Okkalapa នៃទីក្រុងយ៉ាំងហ្គោន។ ច្បាប់អាជ្ញាសឹក ត្រូវបានប្រកាសនៅទីនោះ ដែលនេះដែលជាហេតុអនុញ្ញាតឲ្យតុលាការ ប្រកាសការកាត់ទោសបាន៕
ប្រែសម្រួលដោយ៖ Vann Vann
ប្រភព៖ CNN
ចុចអាន៖ មីយ៉ាន់ម៉ា កាត់ទោសប្រហារជីវិតមនុស្ស១៩នាក់ ពាក់ព័ន្ធការសម្លាប់សហការីកងទ័ព
-
ព័ត៌មានអន្ដរជាតិ៤ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ព័ត៌មានជាតិ៥ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
សេចក្ដីជូនដំណឹង៦ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
សន្តិសុខសង្គម៣ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា៤ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៦ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ១ សប្តាហ៍ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សន្តិសុខសង្គម៣ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត