Connect with us

ព័ត៌មានអន្ដរជាតិ

មនុស្សម្នាក់បាត់ខ្លួន និងរាប់សិបនាក់ជម្លៀសចេញ ខណៈមានភ្លើងឆេះយ៉ាងសន្ធោសន្ធៅក្នុងខេត្ត Oita ប្រទេសជប៉ុន

បានផុស

នៅ

អគ្គិភ័យយ៉ាងសន្ធោសន្ធៅផ្ទុះឡើងនៅក្នុងខេត្ត Oita ភាគខាងត្បូងប្រទេសជប៉ុន ដោយបង្ខំឱ្យប្រជាជនចំនួន ១៧៥ នាក់មកពីគ្រួសារចំនួន ១១៥ ជម្លៀសចេញ។ នេះបើយោងតតាមការចេញផ្សាយរបស់សារព័ត៌មាន CNA នៅថ្ងៃទី១៩ខែតុលា។

(រូបភាព៖ Kyodo)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីមានប្រជាជនជម្លៀសចេញ ក៏មានប្រជាជនម្នាក់នៅតែបាត់ខ្លួននៅឡើយ។ មកដល់ពេលនេះក្រុមពន្លត់អគ្គិភ័យបន្តប្រយុទ្ធប្រឆាំងនឹងអគ្គិភ័យ ដែលរាលដាលពីតំបន់លំនៅដ្ឋានមួយចូលទៅក្នុងព្រៃភ្នំក្បែរនោះថែមទៀត។

បើតាមវីដេអូនៅលើសារព័ត៌មាន NHK បង្ហាញពីអណ្តាតភ្លើងដ៏ខ្លាំងក្លាកំពុងឆាបឆេះលើមេឃពេលយប់ ហើយមានខ្យល់បក់ខ្លាំងធ្វើឲ្យអគ្គិភ័យឆាបឆេះផ្ទះសម្បែងពលរដ្ឋកាន់តែឆាប់រហ័ស។ គិតត្រឹមថ្ងៃពុធ អគារប្រហែល ១៧០ បានរងផលប៉ះពាល់ ហើយគ្រួសារចំនួន ៣០០ កំពុងគ្មានអគ្គិសនីប្រើប្រាស់។

អភិបាលខេត្ត Oita បានស្នើសុំការគាំទ្រពីយោធា ខណៈដែលក្រុមពន្លត់អគ្គិភ័យកំពុងតស៊ូដើម្បីគ្រប់គ្រងអគ្គិភ័យយ៉ាងសស្រាក់សស្រាំ។ ចំណែកអ្នកជម្លៀសត្រូវបានផ្លាស់ទៅជម្រកបណ្តោះអាសន្ន ៕

(រូបភាព៖ X)

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម