ព័ត៌មានអន្ដរជាតិ

អានុទីន ស្នើព្រះរាជក្រឹត្យរំលាយសភារួចហើយ ដើម្បីទប់ស្កាត់បក្សប្រជាជនរឿងកែរដ្ឋធម្មនុញ្ញ

បានផុស

៦ ខែ មុន

នៅ

ថ្ងៃព្រហស្បតិ៍ ១១ ធ្នូ ២០២៥

ដោយ

សារព័ត៌មានថៃនានា បានផ្សាយជាបន្តបន្ទាប់អំពីពាក្យចចាមអារ៉ាមដែលកំពុងតែផ្សព្វផ្សាយយ៉ាងរហ័សដែលថា នាយករដ្ឋមន្ត្រី អានុទីន ឆានវីរៈគុល បានដាក់សំណើរថ្វាយព្រះមហាក្សត្រ សុំរំលាយសភារួចហើយនៅល្ងាចនេះថ្ងៃទី១១ខែវិច្ឆិកានេះ គឺត្រៀមទុកមុន គណបក្សប្រជាជនដែលជាគណបក្សគាំទ្រលោកឲ្យឡើងជានាយករដ្ឋមន្ត្រី និងកំពុងប្រមូលហត្ថលេខារបស់សមាជិកសភាសម្រាប់ការជជែកដេញដោលដកសេចក្តីទុកចិត្តប្រឆាំងនឹងរដ្ឋាភិបាលរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មាន Khaosod របស់ថៃ បានផ្សាយថា ការស្នើចុតម៉ាយនោះធ្វើតាមការគាំទ្ររបស់គណបក្ស Bhumjaithai ក្នុងការរក្សាលក្ខខណ្ឌដែលសមាជិកព្រឹទ្ធសភាមួយភាគបីត្រូវតែអនុម័តវិសោធនកម្មរដ្ឋធម្មនុញ្ញនៅក្នុងការជជែកដេញដោលលើកទីបី។

សេចក្តីរាយការណ៍នោះ បានលើកឡើងថា វេលាម៉ោង ត្រឹមវេលាម៉ោង៩យប់ នៅថ្ងៃទី១១ខែធ្នូ បន្ទាប់ពីគណបក្សប្រជាជនបានផ្លាស់ប្តូរហត្ថលេខារបស់សមាជិកសភាសម្រាប់ចលនាដាក់ញត្តិដកសេចក្តីទុកចិត្តតាមមាត្រា១៥១ នៃរដ្ឋធម្មនុញ្ញ សម្រាប់ការរារាំងដល់ការបោះឆ្នោត ដែលសមាជិកសភាគណបក្ស Bhumjaithai បានបោះឆ្នោតគាំទ្រការកែប្រែរដ្ឋធម្មនុញ្ញដើម្បីរក្សាអំណាចអនុម័តមួយភាគបីនៅក្នុងដៃព្រឹទ្ធសភាសម្រាប់វិសោធនកម្មរដ្ឋធម្មនុញ្ញ ដែលធ្វើឲ្យការកែប្រែរដ្ឋធម្មនុញ្ញពិបាកចេញរួចក្នុងការជជែកដេញដោលលើកទី៣នោះ។

ដើម្បីរារាំងសកម្មភាពរបស់គណបក្សប្រជាជននេះ មានសេចក្តីរាយការណ៍មកថា នាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ លោក អានុទីន ឆានវីរៈគុល បានបញ្ជូនសេចក្តីព្រាងព្រះរាជក្រឹត្យស្តីពីការរំលាយសភា ដើម្បីអនុម័តរួចហើយ៕

រ៉ាន់ រើយ