សេដ្ឋកិច្ច

ធនាគារអេស៊ីលីដា លុបចោលបំណុល ៣០ លានដុល្លារ ជូនដល់វីរៈកងទ័ពពលី និងរបួសពិកាក្នុងសមរភូមិ

បានផុស

៧ ខែ មុន

នៅ

ថ្ងៃពុធ ១៧ ធ្នូ ២០២៥

ដោយ

ធនាគារអេស៊ីលីដា ភីអិលស៊ី បានសម្រេចលុបចោលឥណទានចំនួន ៣០ លានដុល្លារ ដល់វីរៈកងទ័ពរបួសពិការ និងពលីក្នុងសមរភូមិ ដែលជាការចូលរួមរបស់ធនាគារក្នុងការអនុវត្តតាមសេចក្ដីណែនាំរបស់រាជរដ្ឋាភិបាលជុំវិញវិធានការជួយសម្រាលបន្ទុកដល់ប្រជាពលរដ្ឋដែលរងផលប៉ះពាល់ពីជម្លោះព្រំដែនកម្ពុជា-ថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធនាគារជាតិកម្ពុជាកាលពីថ្ងៃទី ១០ ខែធ្នូ ឆ្នាំ ២០២៥ បានណែនាំឱ្យគ្រឹះស្ថានធនាគារ និងហិរញ្ញវត្ថុលុបចោលឥណទានរហូតដល់ ៨០ លានរៀល របស់អតិថិជន ឬអ្នករួមខ្ចី ជាយោធិនពលី និងលុបចោលបំណុល ១០ លានរៀល ចំពោះទាហានរបួសពិការនៅសមរភូមិ។

លោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា បានមានប្រសាសន៍ក្នុងសន្និសិទសារព័ត៌មានកាលពីថ្ងៃទី ១៦ ខែធ្នូ ឆ្នាំ ២០២៥ថា បំណុលដែលត្រូវលុបចោលចេញពីបញ្ជី មានទឹកប្រាក់ប្រមាណ ៣០ លានដុល្លារ ដែលជាការចូលរួមយ៉ាងសំខាន់ក្នុងការអនុវត្តពេញលេញទៅតាមរាជរដ្ឋាភិបាល និងសេចក្ដីប្រកាសរបស់ធនាគារជាតិ។

លោកបណ្ឌិត អ៊ិន ចាន់នី បញ្ជាក់ប្រាប់ឱ្យដឹងថា ធនាគារអេស៊ីលីដា មានសាខា និងការិយាល័យនៅតាមខេត្ត នៅជាប់ព្រំដែនថៃចំនួន ២៥ សាខា និងការិយាល័យ ដែលមានអតិថិជនឥណទាន ៥ ម៉ឺន ២ ពាន់នាក់ សរុបទំហំទឹកប្រាក់ ៧០០ លានដុល្លារ។

លោកបណ្ឌិត អ៊ិន ចាន់នីបន្ថែមថា អេស៊ីលីដា សិក្សាឃើញថា មានអតិថិជនដែលពាក់ព័ន្ធ ៣ ប្រភេទ គឺជនភៀសសឹក យុទ្ធជនដែលប្រយុទ្ធក្នុងសមរភូមិ រងរបួស និងពលី ក្នុងសមរភូមិ ហើយឥណទានដែលពន្យាកាសងមានទឹកប្រាក់ ៧០ លានដុល្លារ រីបំណុលដែលត្រូវលុបកាត់ចេញពីបញ្ជីមានទឹកប្រាក់ប្រមាណ ៣០ លានដុល្លារ៕

អត្ថបទ៖ ឡេង ដេត