ព័ត៌មានអន្ដរជាតិ

ចិនបង្ហាញការគាំទ្រវេណេស៊ុយអេឡា ដើម្បីប្រឆាំងនឹងឯកតោភាគី

បានផុស

៧ ខែ មុន

នៅ

ថ្ងៃព្រហស្បតិ៍ ១៨ ធ្នូ ២០២៥

ដោយ

ប្រទេសចិនប្រឆាំងនឹងរដ្ឋឯកតោភាគីនិយម ដែលសំដៅដល់សហរដ្ឋអាមេរិកដែលធ្វើសកម្មភាពគំរាមដល់ប្រទេសវេណេស៊ុយអេឡា ហើយគាំទ្របណ្តាប្រទេសនានា ក្នុងការពារអធិបតេយ្យភាពរបស់ខ្លួន។ រដ្ឋមន្ត្រីការបរទេសចិន លោក វ៉ាង យី (Wang Yi) បានប្រាប់ភាគីវេណេស៊ុយអេឡានៅថ្ងៃពុធ ខណៈដែលប្រធានាធិបតីអាមេរិក លោក ត្រាំ បង្កើនសម្ពាធលើប្រទេសនៅតំបន់អាមេរិកខាងត្បូងនេះកាន់តែខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វ៉ាង បាននិយាយសន្ទនាឆ្លងឆ្លើយតាមទូរស័ព្ទជាមួយរដ្ឋមន្រ្តីការបរទេសវេណេស៊ុយអេឡា ថា ចិននិងវេណេស៊ុយអេឡាគឺជាដៃគូយុទ្ធសាស្រ្តដ៏យូរអង្វែង ជាពិសេសបានជឿទុកចិត្ត និងផ្តល់ការគាំទ្រគ្នាទៅវិញទៅមក ព្រោះវាជាប្រពៃណីជាយូរមកហើយនៃទំនាក់ទំនងទ្វេភាគីប្រទេសទាំងពីរ។ នេះបើតាមរដ្ឋមន្ត្រីការបរទេស លោក វ៉ាង យី ដែលបានធ្វើឡើងក្នុងសេចក្តីប្រកាសមួយ។

លោកបានបន្តថា៖ «ប្រទេសចិនជឿជាក់ថាសហគមន៍អន្តរជាតិនឹងយល់ ហើយគាំទ្រជំហររបស់វេណេស៊ុយអេឡាក្នុងការការពារសិទ្ធិ និងផលប្រយោជន៍ស្របច្បាប់របស់ខ្លួន»។

ណឺ មិនា