Peypey Dy ខ្លាចនឹងប្រយោគ ៣ម៉ាត់ “លេបជំនួយ ជួយតែអ្នកល្បី ជួយតែខាងនោះ”

Peypey Dy ជាថ្មីម្តងទៀត បានបង្ហាញអារម្មណ៍ហាក់មិនសប្បាយចិត្ត បន្ទាប់ពីមានការលេចឮពាក្យរិះគន់របស់បុគ្គលមួយចំនួនតូចជុំវិញសកម្មភាពនៃការចុះជួយបងប្អូនជនភៀសសឹក និងវីរកងទ័ពនៅតាមព្រំដែនដោយមានមតិលើកឡើងថាមូលនិធិ “លេបជំនួយ ជួយតែអ្នកល្បី”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការកត់សម្គាល់លោក Peypey Dy រហូតមក ដល់ពេលនេះកំពុងបង្ហាញសកម្មភាពយ៉ាងសកម្មជាមួយក្រុមការងារ ក្នុងការចាត់ចែងថវិកាមូលនិធិរៀបចំជាស្បៀងអាហារ សម្ភារ:ផ្សេងៗ ព្រមទាំងថវិកាចុះទៅជួយដល់វីរកងទ័ពជួរមុខនិងបងប្អូនគ្រួសារភៀសសឹកតាមតំបន់នីមួយៗ។

ទោះបីយ៉ាងណា សកម្មភាពនេះត្រូវបានមហាជនជាច្រើនបានបង្ហាញការគាំទ្រ និងកោតសរសើរ ដែលលោក និងក្រុមមូលនិធិខ្មែររួបរួមខំចំណាយទាំងពេលវេលានិងកំលាំងកាយចិត្ត ដើម្បីចូលរួមជួយប្រទេសជាតិ។ ប៉ុន្តែអ្វីដែលធ្វើឱ្យលោកឆ្អែតចិត្តនោះគឺមានពាក្យថាលោក “លេបជំនួយ ជួយតែអ្នកល្បី”។

លោក Peypey Dy បានរៀបរាប់ខ្លឹមសារខ្លីថា “ពាក្យដែលគួរអោយខ្លាចបំផុតក្នុងពេលនេះគឺ ១.លេបជំនួយ, ២.ជួយតែអ្នកល្បី និង៣.ជួយតែខាងនោះ ខ្ញុំខំរួចហើយ”។ ទន្ទឹមក៏មានមតិមួយចំនួនបានលើកទឹកចិត្តកុំឱ្យ Peypey Dy គិតចំពោះការគិតអវិជ្ជមានរបស់បុគ្គលទាំងនោះផងដែរ។

អ្នកគាំទ្របានលើកឡើងថា សំខាន់បងបានធ្វេីហេីយទោះអ្នកផ្សេងគិតបែបណាស្រេចតែគេទៅបងអំពេីល្អមិនសាបសូន្យ គាំទ្របងធ្វេីបន្តទៀតដេីម្បីប្រទេសជាតិយេីង(បេីយេីងជួយចេញពីចិត្តហេីយយេីងច្បាស់ខ្លួនឯងអ្នកដទៃគិតបែបណាមិនសំខាន់ទេបង ល្អអាក្រក់មិនយូរទេគេនិងដឹងហេីយបងសំខាន់យេីងមានចំណែកចូលរួមជួយជាតិទោះមិចក៏អស់ចិត្ត។

គិតមកដល់ពេលនេះ គឺជាងកន្លះខែកន្លងមកហើយដែល Peypey Dy និង ក្រុមការងារបានបង្ហាញសកម្មភាពយ៉ាងសកម្មចំណាយទាំងកម្លាំងស្មារតី ថវិកាផ្ទាល់ខ្លួន ព្រមទាំងធ្វើជាមូលនិធិសម្រាប់ទ្រទ្រង់បង ប្អូនភៀសសឹកនិងវីរកងទ័ពជួរមុខតាមព្រំដែន។ ក្រៅពីចែកជូនអំណោយដល់ជនភៀសសឹក និងកងទ័ពជួរមុខលោកក៏បានរៀបចំជាអំណោយ និងថវិកាបន្តដំណើរទៅជួយគ្រួសារវីរ:កងទ័ពពលីផងដែរ៕ ដោយ៖ ចាន់រ៉ា