ព័ត៌មានអន្ដរជាតិ

វិស័យឯកជនថៃព្រមានអំពីការប្រែប្រួលទីផ្សារ ជុំវិញបញ្ហាវ៉េណេស៊ុយអេឡា-អាមេរិក

បានផុស

៤ ខែ មុន

នៅ

ថ្ងៃអង្គារ ៦ មករា ២០២៦

ដោយ

សភាពាណិជ្ជកម្មថៃបានលើកឡើងពីក្តីបារម្ភថា ការចាប់ខ្លួនមេដឹកនាំវេណេស៊ុយអេឡារបស់សហរដ្ឋអាមេរិកអាចបង្កឱ្យមានការប្រែប្រួលនៅក្នុងទីផ្សារប្រេង ទំនិញ និងកសិកម្ម ខណៈសេដ្ឋកិច្ចពិភពលោកនៅតែផុយស្រួយ និងប្រឈមមុខនឹងភាពមិនប្រាកដប្រជាជាច្រើន។ នេះបើតាមការចុះផ្សាយរបស់សារព័ត៌មាន Thai Enquirer កាលពីថ្ងៃចន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈពាណិជ្ជកម្មផ្ទាល់រវាងថៃ និងវេណេស៊ុយអេឡាមានកម្រិត ផលប៉ះពាល់ដោយប្រយោលអាចកើតមានលើស័យថាមពល និងកសិកម្ម ថ្លៃដើមប្រតិបត្តិការអាជីវកម្មរបស់ថៃ និងសេដ្ឋកិច្ចប្រទេសដទៃទៀត។ ភាពមិនប្រាកដប្រជាក៏អាចជះឥទ្ធិពលដល់ពាណិជ្ជកម្ម និងការវិនិយោគនៅអាមេរិកឡាទីន និងទីផ្សារពិភពលោក ដែលស្ថិតនៅក្រោមសម្ពាធភាពតានតឹងភូមិសាស្ត្រនយោបាយ និងការបែងចែកសេដ្ឋកិច្ចរួចទៅហើយ។

ប្រធានសភាពាណិជ្ជកម្មថៃ លោក Poj Aramwatananont បាននិយាយថា ស្ថានភាពគួរតែត្រូវបានដោះស្រាយដោយសន្តិវិធីក្រោមច្បាប់អន្តរជាតិ និងក្របខ័ណ្ឌពហុភាគី ដោយកត់សម្គាល់ថា កំណើនភាពតានតឹងអាចមានផលប៉ះពាល់យ៉ាងទូលំទូលាយទៅលើស្ថិរភាពសេដ្ឋកិច្ចពិភពលោក និងទំនុកចិត្តរបស់វិនិយោគិន។

ទីផ្សារសកលលោករហូតមកដល់ពេលនេះ បានឆ្លើយតបដោយប្រុងប្រយ័ត្ន។ តម្លៃប្រេងបានប្រែប្រួលបន្តិចបន្តួច ដោយសារការផ្គត់ផ្គង់លើសតម្រូវការរបស់សកល ដែលស៊ីសងគ្នានឹងការរំខានផ្នែកផ្គត់ផ្គង់ប្រេងពីវ៉េណេស៊ុយអេឡា ខណៈទីផ្សារភាគហ៊ុនសហរដ្ឋអាមេរិក និងអាស៊ីនៅតែមានស្ថេរភាព។

អ្នកវិភាគកត់សម្គាល់ថា ស្ថានភាពនៅវ៉េណេស៊ុយអេឡាបានបង្កើនហានិភ័យបុព្វលាភ និងអាចជះឥទ្ធិពលដល់លំហូរវិនិយោគលើទ្រព្យសម្បត្តិសុវត្ថិភាព ដែលប៉ះពាល់ដល់ទីផ្សារទំនិញកាន់តែធំ។

សភាពាណិជ្ជកម្មថៃបានជំរុញឱ្យប្រទេសរបស់ខ្លួនតាមដានតម្លៃប្រាក់បាត តម្លៃថាមពល និងទីផ្សារហិរញ្ញវត្ថុអន្តរជាតិ ព្រមទាំងរៀបចំវិធានការកាត់បន្ថយផលប៉ះពាល់ដើម្បីការពារសេដ្ឋកិច្ចក្នុងស្រុក៕