ព័ត៌មានជាតិ

ក្រសួងការងារ បន្តលើកកម្ពស់ចំណេះដឹងអំពីឥរិយាបថការងារ ជូនដល់អធិការពេទ្យការងារ អធិការការងារ និងអ្នកផ្សះផ្សាវិវាទការងារ

បានផុស

៣ ខែ មុន

នៅ

ថ្ងៃសុក្រ ២៣ មករា ២០២៦

ដោយ

លោក លឹម ស៊ុយហុង អនុរដ្ឋលេខាធិការ ក្រសួងការងារ និងបណ្តុះបណ្តាលវិជ្ជាជីវៈ និង លោក ភុន សុភ័ក្ត នាយកវិទ្យាស្ថានជាតិការងារ សហការជាមួយលោកស្រីសាស្ត្រាចារ្យ Cécile Nicod និងលោកស្រីសាស្ត្រាចារ្យ Dominique Cau-Bareille មកពីវិទ្យាស្ថានការងារ នៃសាកលវិទ្យាល័យលីយ៉ុង ២ នៃប្រទេសបារាំង បានរៀបចំវគ្គបណ្តុះបណ្តាលចែករំលែកបទពិសោធលើជំនាញឥរិយាបថការងារ (Ergonomics) នៅប្រទេសបារាំង ជូនដល់អធិការពេទ្យការងារ អធិការការងារ និងអ្នកផ្សះផ្សាវិវាទការងារ សរុបចំនួន ៣៤ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វគ្គបណ្តុះបណ្តាលនោះ បានធ្វើឡើងកាលពីថ្ងៃទី ២១ ខែមករា ឆ្នាំ ២០២៦ ក្នុងគោលបំណងចម្បងគឺដើម្បីឈ្វេងយល់អំពីឥរិយាបថការងារ ដែលសំដៅដល់ការសិក្សាបែបវិទ្យាសាស្ត្រពីអន្តរកម្មរវាងមនុស្ស និងកត្តាពាក់ព័ន្ធនៅកន្លែងការងារ ដើម្បីរៀបចំកន្លែងការងារមួយដែលអាចឱ្យកម្មករ-និយោជិតធ្វើការប្រកបដោយប្រសិទ្ធភាព មានសុវត្ថិភាព និងសុខុមាលភាពល្អទាំងផ្លូវកាយ និងផ្លូវចិត្ត កាត់បន្ថយហានិភ័យការងារ ក៏ដូចជាគ្រោះថ្នាក់ការងារ ឬជំងឺវិជ្ជាជីវៈ។

ការចែករំលែកបទពិសោធនេះផ្តោតសំខាន់លើប្រធានបទចំនួន ៤ រួមមាន ៖ ឥរិយាបថការងារក្នុងការបំពេញការងារ , បញ្ហាប្រឈម តួអង្គពាក់ព័ន្ធ និងឧបករណ៍គតិយុត្តិសម្រាប់បង្ការហានិភ័យនៅកន្លែងការងារ នៅក្នុងប្រទេសបារាំង។

ក្នុងឱកាសនោះ លោកអនុរដ្ឋលេខាធិការ និងលោកនាយកវិទ្យាស្ថាន បានលើកឡើងពីសារៈសំខាន់ នៃជំនាញឥរិយាបថការងារ ដែលជាផ្នែកមួយ នៃការអភិវឌ្ឍចំណេះដឹងក្នុងការបំពេញការងារ។ លើសពីនេះ លោកអនុរដ្ឋលេខាធិការ បានកត់សម្គាល់ពីចំណុចសំខាន់ៗ នានា ដើម្បីធ្វើការសិក្សាប្រៀបធៀបរវាងកម្ពុជា និងបារាំង សម្រាប់អធិការពេទ្យការងារ ដែលអាចយកជាធាតុចូលក្នុងការរៀបចំសេចក្តីព្រាងច្បាប់ស្តីពីសុវត្ថិភាព និងសុខភាពការងារផងដែរ៕