អ្នកនាង ខាត់ សុឃីម ដាស់តឿនមាតាបិតាគ្រប់រូប គប្បីប្រយ័ត្នសុវត្ថិភាពកូនតូច បើបណ្តោយពាក់គ្រឿងអលង្កាលំអខ្លួន

ស្របពេលដែលហាងឆេងមាសកំពុងតែបន្តបំបែកកំណត់ត្រាតម្លៃ តារាពហុជំនាញអ្នកនាង ខាត់ សុឃីម បានចេញសារដាស់តឿនដល់ឪពុកម្តាយដែលមានគ្រឿងអលង្ការពាក់នៅលើខ្លួនកូនៗគួរតែប្រុសប្រយ័ត្នឱ្យមែនទែន ពោលគឺមិនត្រូវបណ្តែតបណ្តោយខ្វះការប្រុងប្រយ័ត្នលើរឿងនេះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារដាស់តឿនរបស់តារាស្រីពហុជំនាញអ្នកនាង ខាត់ សុឃីម ខាងលើនេះ ស្របពេលដែលតម្លៃហាងឆេងមាស​នៅដើមឆ្នាំ២០២៦នេះ បាន​បន្តបំបែកកំណត់ត្រាខ្ពស់រហូតកើនឡើងដល់ជាង ៦ពាន់ដុល្លារ ក្នុងមួយតម្លឹង។ នេះដោយ​សារ​វិបត្តិសេដ្ឋកិច្ច ​ភូមិ​សាស្ត្រ​នយោបាយនឹង​ការ​ប្រឈម​មុខនៃសម្ពាធ​ពន្ធរវាងសហរដ្ឋអាមេរិក និង​សហភាព​អឺរ៉ុប​។​

ងាកមកចាប់អារម្មណ៍តារាពហុជំនាញអ្នកនាង ខាត់ សុឃីមថ្មីៗនេះបានចេញមុខលើកឡើងដូច្នេះថា “ដោយសារមាសឡើងថ្លៃខ្លាំងណាស់ដូច្នេះសូមពុកម៉ែបងប្អូនដោះក្រវិល ឬចិញ្ចៀនតូចតាចចេញពីខ្លួនកូនៗយើ ងទាំងអស់ដើម្បីសុវត្ថិភាពសូមអរគុណ”។

តាមរយ:ខ្លឹមសារដាស់តឿន ពីសំណាក់តារាស្រីអ្នកនាង ខាត់ សុឃីម ខាងលើនេះគឺទទួលបានការចាប់អារម្មណ៍នឹងគាំទ្រពីបណ្តាមហាជនព្រោះថានេះជាសារដែលពញ្ញាក់ស្មារតីឱ្យឪពុកម្តាយគ្រប់រូបគួរតែបង្កើនការប្រុងប្រយ័ត្នចំពោះសុវត្ថិភាពកូនៗដែលអាចជួបហានិភ័យព្រោះតែគ្រឿងលំអរខ្លួន(មាស)៕ ដោយ ៖ ចាន់រ៉ា