ព័ត៌មានជាតិ

អនុវត្តការងារតឹងរឹងតែទន់ភ្លន់៖ ឧត្តមសេនីយ៍ឯក ស ថេត ម៉ៅយកបន្លែពីស្រី្តម្នាក់ ដើម្បីឲ្យគាត់ត្រឡប់ទៅផ្ទះវិញ

បានផុស

៥ years មុន

នៅ

ថ្ងៃពុធ ២១ មេសា ២០២១

ដោយ

so pon

ជាកាយវិការមួយទន់ភ្លន់តែតឹងរឹង ខណៈលោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ បានម៉ៅយកបន្លែពីស្រី្តអ្នកលក់ម្នាក់ ខណៈពេលដែលលោកឧត្តមសេនីយ៍ចុះត្រួតពិនិត្យមើលស្ថានភាពទូទៅ តាមគ្រប់បណ្តាគោលដៅអនុវត្តវិធានការបិទខ្ទប់ នៅគោលដៅក្នុងរាធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នងការនគរបាលរាជធានីភ្នំពេញបានឲ្យដឹងនារសៀលនេះថា កាលពីវេលាម៉ោង១០ និង៣០នាទីយប់ ថ្ងៃទី២០ ខែមេសា ឆ្នាំ២០២១ ស្របពេលដែលលោកឧត្តមសេនីយ៍ឯក ស ថេត ចុះត្រួតពិនិត្យមើលលស្ថានភាពទូទៅតាមគ្រប់បណ្តាគោលដៅអនុវត្តវិធានការបិទខ្ទប់ ក៏បានជួបនឹងបងស្រីម្នាក់នៅម្តុំស្ពានអាកាសស្ទឹងមានជ័យ កំពុងតែដឹកបន្លែយកទៅលក់នៅផ្សារព្រែកព្នៅ។

បន្ទាប់ពីធ្វើការសាកសួរ ដោយក្តីអាណិត លោកឧត្តមសេនីយ៍ ក៏បានទិញយកបន្លែនោះទាំងអស់ក្នុងតម្លៃ ៦០ម៉ឺនរៀល ខណៈដែលតម្លៃដើមត្រឹមតែ៣០ម៉ឺនរៀលប៉ុណ្ណោះ ដើម្បីឲ្យគាត់បានឆាប់ត្រឡប់ទៅផ្ទះជួបជុំក្រុមគ្រួសារ ហើយលោកឧត្តមសេនីយ៍បានណែនាំថា បើមិនចាំបាច់សូមកុំចេញពីផ្ទះ ហើយចូលរួមអនុវត្តតាមការណែនាំរបស់រាជរដ្ឋាភិបាល ក្នុងការបង្ការ ទប់ស្កាត់ការឆ្លងរាលដាលវីរុសកូវីដ១៩។

ដោយសារតែក្តីមេត្តារបស់លោកឧត្តមសេនីយ៍ ស ថេត បានធ្វើឲ្យស្ត្រីលក់បន្លែរូបនេះ ប្រែក្លាយពីការភ័យខ្លាច សមត្ថកិច្ចចាប់ឃាត់ខ្លួន បែរជាមានការត្រេកអរ និងថ្លែងអំណរគុណដល់លោកឧត្តមសេនីយ៍ ស ថេត ដែលបានជួយម៉ៅយកបន្លែរបស់គាត់នេះ៕