កីឡា
ត្រៀមកក្រើក! សំបុត្រជិត ១ ម៉ឺនសន្លឹកលក់អស់ មុន ភ្នំពេញក្រោន ប៉ះ ព្រះខ័នរាជស្វាយរៀង
សំបុត្រចូលរួមទស្សនាការប្រកួត រវាង ភ្នំពេញក្រោន និង ព្រះខ័នរាជស្វាយរៀង នៅថ្ងៃទី៥ ខែមីនា ឆ្នាំ ២០២៦ នៅពហុកីឡដ្ឋានជាតិអូឡាំពិក ត្រូវបានលក់អស់ជិត ១ ម៉ឺនសន្លឹកហើយ។
តាមការប្រកាសរបស់ ក្លិបភ្នំពេញក្រោន បានឲ្យដឹងថា សំបុត្របឋម ត្រូវបានបើកលក់អស់ចំនួន ៣៥០០ សន្លឹក កាលពីថ្ងៃទី១៨ ខែកុម្ភៈ និងនៅព្រឹកថ្ងៃទី២៧ ខែកុម្ភៈនេះ សំបុត្រចំនួន ៦០០០ សន្លឹកត្រូវបានលក់អស់ទៀត។ គិតត្រឹមពេលនេះ សំបុត្រចំនួន ៩៥០០ សន្លឹកត្រូវបានលក់អស់ជាផ្លូវការ។
ការប្រកួតនៅសល់ប្រមាណ ៦ ថ្ងៃទៀតទើបដល់ ថ្ងៃទី៥ ខែមីនា ឆ្នាំ ២០២៦ ដូច្នេះសំបុត្រនឹងត្រូវបានលក់អស់កាន់តែច្រើនទៀត។ នៅមិនទាន់ដឹងពីចំនួនសំបុត្រដែលត្រូវបានបើកលក់សរុបទេ ប៉ុន្តែកន្លែងអង្គុយនៃ ពហុកីឡដ្ឋានជាតិអូឡាំពិកអាចផ្ទុកបានប្រមាណ ៣ ម៉ឺននាក់។
សូមបញ្ជាក់ថា សំបុត្រមាន ២ ប្រភេទគឺ តម្លៃ ១៤០០០ រៀល បញ្ចុះតម្លៃមកត្រឹម ១២០០០ រៀល សម្រាប់កន្លែងគ្មានដំបូល និងតម្លៃ ២០០០០ រៀល បញ្ចុះតម្លៃត្រឹម ១៦០០០ រៀល សម្រាប់កន្លែងមានដំបូង។
ជាមួយគ្នានេះ ព្រះខ័នរាជស្វាយរៀង ក៏បានបើកការលក់សំបុត្រសម្រាប់ទស្សនាជើងទី២ នាថ្ងៃទី១២ ខែមីនា ឆ្នាំ ២០២៦ នៅពហុកីឡដ្ឋានជាតិមរតកតេជោ។
ភ្នំពេញក្រោន និង ព្រះខ័នរាជស្វាយរៀង នឹងប្រកួតគ្នាវគ្គ ៨ ក្រុមចុងក្រោយ ពានរង្វាន់ AFC Challenge League ដើម្បីជ្រើសរើស ១ ក្រុមឡើងទៅកាន់វគ្គពាក់កណ្តាលផ្តាច់ព្រ័ត្រ៕
អត្ថបទ៖ វិរបុត្រ
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៦ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៣ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន