កីឡា

ស្ដាយសមត្ថភាពកីឡាករ ម៉ឺន សុភា ដោយសាររបួសស្នងជើងអាចនឹងឈប់ពីអាជីពប្រដាល់គុនខ្មែរនេះរហូត

បានផុស

២ ខែ មុន

នៅ

ថ្ងៃព្រហស្បតិ៍ ១២ មីនា ២០២៦

ដោយ

កីឡាករល្អកណ្ដាប់ដៃ និង ធន់ រឹងមាំ ម៉ឺន សុភា ថាទឹកចិត្តនៅតែស្រឡាញ់ចង់ឡើងប្រកួតប្រដាល់គុនខ្មែរដដែល ប៉ុន្តែប្រហែលមិនអាចទេមើលទៅ ព្រោះរបួសស្នងជើងនេះមិនជាសះស្បើយសោះប៉ះដាច់សាច់ៗ។

កីឡាករ ម៉ឺន សុភា

អ្នកប្រដាល់ដែលល្អកណ្ដាប់ដៃ និងចេញអាវុធច្បាស់ហើយធ្ងន់ ម៉ឺន សុភា ថាលោកប្រហែលមិនអាចឡើងប្រកួតវិញនោះទេមើលទៅ ព្រោះរបូសស្នងជើងនេះមិនជាល្អសោះ។ សាច់នៅម្ដុំស្នងជើងនេះគឺផុយៗដេរមិនចង់ជាប់ផង ដូច្នេះនៅពេលប៉ះខ្លាំងត្រង់តំបន់នោះគឺដាច់សាច់ហូរឈាមហើយ។

ម៉ឺន សុភា កំពុងហាលស្រូវ

ជើងចាស់ប្រចាំក្លឹបលោក ធន់ សុភា រូបនេះបន្ថែមទៀតថា ដូចបានឃើញការវិលត្រឡប់របស់លោកប៉ុន្មានប្រកួតមុនអីចឹងដែរឈាមជើងនៅចំណុចដដែលហ្នឹងធ្វើឲ្យមិនអាចឡើងប្រកួតទៀតបាន។ យ៉ាងណាចំពោះចិត្តគឺនៅតែស្រឡាញ់ និងចង់ឡើងប្រកួតខ្លាំងណាស់ ស្របពេលឥលូវនេះទីផ្សារក៏សំបូរ តម្លៃខ្លួនខ្ពស់ និងមានការឧបត្ថម្ភក៏ច្រើនទៀតផង។

របួសជើងរបស់ ម៉ឺន សុភា

កីឡាករ ម៉ឺន សុភា អរគុណចំពោះអ្នកគាំទ្រដែលនៅនឹករលឹក និងស្រឡាញ់ចូលចិត្តលើរូបលោកកន្លងមក។ អរគុណចំពោះអ្នកគាំទ្រដែលចង់ឲ្យលោកវិលចូលសង្វៀនប្រកួតវិញ។ រូបគេនៅតែស្រឡាញ់ និងចង់ប្រកួតជូនអ្នកគាំទ្រជានិច្ច។

បញ្ជាក់ដែរថា កីឡាករ ម៉ឺន សុភា ជាអ្នកប្រដាល់ជើងចាស់ និងមានកណ្ដាប់ថៃធ្ងន់ល្អនៅកម្ពុជា។ រូបគេផ្អាកឡើងសង្វៀនជាយូរមកហើយដោយសារតែរបួសរយះសាច់ស្នងជើងខាងឆ្វេង និងមានស្ថានភាពសាច់ឡើងផុយៗទៅហើយ៕