កីឡា

កីឡាករ ផាន ផាន់ណាត បង្ហាញការអន់ចិត្តក្រោយចាប់គូមិនបានប្រកួតដូចគេ

បានផុស

៣ ថ្ងៃ មុន

នៅ

ថ្ងៃអង្គារ ២១ មេសា ២០២៦

ដោយ

អ្នកលេងគុនខ្មែរមកពីក្លឹបឆ័ត្រយោង ៩១១ ផាន ផាន់ណា បង្ហាញការអន់ចិត្តតាមបណ្ដាញសង្គមហ្វេបុករបស់ខ្លួនដោយសារតែចាប់គូមិនបានឡើងប្រកួតរយៈពេលជាងមួយខែមកហើយ ស្របពេលជីវភាពរស់នៅប្រចាំថ្ងៃជួបការលំបាកដោយសារគ្មានចំណូល។

កីឡាករ ផាន ផាន់ណា កាលពីថ្ងៃទី២០ ខែមេសា ឆ្នាំ២០២៦ នេះរូបគេបានបង្ហោះសារនៅលើគណនីហ្វេសបុករបស់ខ្លួនថា «តាំងពីបានពាន និងមកមួយខែជាងហើយគ្មានឈ្មោះប្រគួតទៀតសោះ ហាត់ដើម្បីចង់ឡើងប្រគួតតតែប្រគួតមួយប្រគួតបាត់មួយខែទៅពីរខែ ខ្ញុំពិតជាមានអារម្មណ៍ថាហត់ណាស់»។ រូបគេបង្ហាញពីការអន់ចិត្តដោយគ្មានឈ្មោះប្រកួត ឬបានមួយប្រកួតស្ងាត់ចង់ពីរខែបែបនេះ។ កីឡាករខំប្រឹងហ្វឹកហាត់ដើម្បីបានប្រកួត ប៉ុន្តែបែរជាមិនសូវបានប្រកួតដូចនេះហាក់ហត់នឿយក្នុងចិត្ត។ ការរស់នៅប្រចាំថ្ងៃរបស់ខ្លួនក៏ជួបការលំបាកដូចគ្នាផងដែរដោយសារតែមិនសូវបានឡើងប្រកួត។

អ្នកគាំទ្រមួយចំនួនក៏បានបញ្ចេញមតិខ្លះដែរថា ខំប្រឹងតស៊ូតទៅទៀត។ ចំណែកអ្នកខ្លះទៀតចង់ឲ្យរូបគេផ្លាស់ប្ដូរក្លឹប ព្រោះបច្ចុប្បន្ននេះមានតែសមត្ថភាពមួយមុខក៏ពិបាករកទីផ្សារប្រកួតនោះដែរ។ អ្នកផ្សេងៗទៀតអាណិត និងហួសចិត្តចំពោះរឿងអត់សូវបានប្រកួតមួយនេះ។

បញ្ជាក់ដែរថា ផាន ផាន់ណា ជាកីឡាករមកពីក្លឹបឆត្រយោង ៩១១ ដែលប្រកួតលើប្រភេទទម្ងន់ ៦៣,៥គីឡូក្រាម។ ការប្រកួតចុងក្រោយរបស់គេគឺធ្វើឡើងកាលពីថ្ងៃទី១៥ ខែមីនា ឆ្នាំ២០២៦ ដោយឈ្នះពានរង្វាន់ម៉ារ៉ាតុង១គ្រឿង៕