ព័ត៌មានអន្ដរជាតិ
កាន់អំណាចជាង៣០ឆ្នាំ ប្រធានាធិបតីបេឡារុស ជាន់ដីកូរ៉េខាងជើងដ៏កម្របំផុត
ប្រធានាធិបតីបេឡារុស លោក Alexander Lukashenko ដែលកាន់អំណាចតាំងពីឆ្នាំ១៩៩៤ បានបំពេញទស្សនកិច្ចជាផ្លូវការលើកដំបូងរបស់ខ្លួនទៅកាន់ប្រទេសកូរ៉េខាងជើង ក្នុងរយៈពេលនៃការកាន់អំណាចជាង៣០ឆ្នាំ ចំពេលដែលពិភពប្រឈមនឹងជម្លោះនៅស្ទើរតែគ្រប់ទីកន្លែង។
ទីភ្នាក់ងារសារព័ត៌មានបេឡារុស Belta បានរាយការណ៍ថា មេដឹកនាំរូបបេឡារុសកំពុងបំពេញទស្សនកិច្ចលើទឹកដីកូរ៉េខាងជើង ដោយចាប់ផ្ដើមកាលពីថ្ងៃពុធរហូតដល់ថ្ងៃព្រហស្បតិ៍នេះ តបតាមការអញ្ជើញរបស់មេដឹកនាំកូរ៉េខាងជើង លោក គីម ជុងអ៊ុន សម្រាប់ការចរចាទ្វេភាគី។ ការចរចាទ្វេភាគីដែលត្រូវបានរាយការណ៍ថា នឹងផ្តោតសំខាន់លើវិស័យជាច្រើន ជាពិសេសបំផុតគឺវិស័យការពារជាតិ។
សេចក្តីរាយការណ៍នោះ បានលើកឡើងថា ជំនួបកំពូលនៃមេដឹកនាំទាំងពីរត្រូវបានធ្វើឡើងដើម្បីពិភាក្សាអំពីវិសាលភាពទាំងមូលនៃមធ្យោបាយសម្រាប់ការជំរុញកិច្ចសហប្រតិបត្តិការរវាងសាធារណរដ្ឋបេឡារុស និងសាធារណរដ្ឋប្រជាធិបតេយ្យប្រជាមានិតកូរ៉េ។ ក្នុងដំណើរទស្សនកិច្ចនោះ មេដឹកនាំទាំងពីរក៏នឹងកំណត់នូវវិស័យសំខាន់ៗដែលមានផលប្រយោជន៍ទៅវិញទៅមក និងគម្រោងដែលមានជោគជ័យបំផុតសម្រាប់ការអនុវត្តផងដែរ។
សេចក្តីរាយការណ៍របស់ Belta បានលើកឡើងថា លោក គីម ជុងអ៊ុន បានរៀបចំពិធីស្វាគមន៍ជាផ្លូវការសម្រាប់លោក Lukashenko នៅទីលាន គីម អ៊ីលស៊ុង ដែលមានក្បួនដង្ហែរយោធា និងការសម្តែងភ្លេងជាតិរបស់ប្រទេសទាំងពីរជាដើម។ បន្ទាប់ពីពិធីនេះ មេដឹកនាំទាំងពីរបានទៅទស្សនាវិមានរំដោះ ដោយភាគីបេឡារុសបានដាក់កម្រងផ្កាជាកិត្តិយសដល់ទាហានសូវៀតដែលបានដួលរលំក្នុងអំឡុងពេលរំដោះកូរ៉េពីការគ្រប់គ្រងអាណានិគមជប៉ុន ក្នុងអំឡុងសង្គ្រាមលោកលើកទីពីរ។
យ៉ាងណាមិញ នៅក្នុងដំណើរទស្សនកិច្ចជាផ្លូវការនេះផងដែរ កូរ៉េខាងជើង និងបេឡារុស ត្រូវបានគេជឿថា កំពុងពង្រឹងទំនាក់ទំនង និងកិច្ចសហប្រតិបត្តិការដោយផ្អែកលើការគាំទ្ររួមគ្នារបស់ពួកគេចំពោះប្រទេសរុស្ស៊ី នៅក្នុងសង្គ្រាមជាមួយអ៊ុយក្រែន៕
អត្ថបទ៖ សាង ស្រីល័ក្ខ
-
ព័ត៌មានជាតិ៥ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៣ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ១ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ៦ ថ្ងៃ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៥ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ៦ ថ្ងៃ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
ព័ត៌មានអន្ដរជាតិ៤ ថ្ងៃ agoប្រធានាធិបតីអ៊ីរ៉ង់ ប្រាប់ត្រាំថា គ្មានសិទ្ធិដកហូតនុយក្លេអ៊ែរអ៊ីរ៉ង់ ទេ