ព័ត៌មានជាតិ
អគ្គិសនីកម្ពុជាអំពាវនាវដល់ពលរដ្ឋនៅតំបន់បិទខ្ទប់នៅរាជធានីភ្នំពេញនិងក្រុងតាខ្មៅទូទាត់ថ្លៃអគ្គិសនីឲ្យបានទាន់ពេលវេលា
ភ្នំពេញ ៖ អគ្គិសនីកម្ពុជាបានធ្វើការអំពាវនាវដល់ប្រជាពលរដ្ឋដែលរស់នៅតំបន់បិទខ្ទប់នៅរាជធានីភ្នំពេញនិងក្រុងតាខ្មៅនៃខេត្តកណ្តាលជួយធ្វើការទូទាត់ថ្លៃអគ្គិសនីឲ្យបានទាន់ពេលវេលាដើម្បីឲ្យអគ្គិសនីកម្ពុជាអាចមានលទ្ធភាពទូទាត់បន្តទៅអ្នកផលិតអគ្គិសនីទាំងក្នុងប្រទេសនិងពីប្រទេសជិតខាង។
លោក កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកជាអគ្គនាយកអគ្គិសនីកម្ពុជាបានឲ្យដឹងថាក្នុងអំឡុងពេលបិទខ្ទប់ក្នុងភូមិសាស្ត្ររាជធានីភ្នំពេញនិងក្រុងតាខ្មៅខេត្តកណ្ដាលរបស់រាជរដ្ឋាភិបាលក្នុងការប្រយុទ្ធប្រឆាំងនឹងការរាលដាលនៃជំងឺកូវីដ១៩ អគ្គិសនីកម្ពុជានៅដំណើរការបំរើសេវាជូនបងប្អូនប្រជាពលរដ្ឋជាធម្មតា។
លោក កែវ រតនៈបានបន្តថា «ដូច្នេះដើម្បីរក្សាស្ថិរភាពនៃការផ្គត់ផ្គង់ចរន្តអគ្គិសនីបន្តទៀតនិងដើម្បីឲ្យអគ្គិសនីកម្ពុជាអាចមានលទ្ធភាពទូទាត់បន្តទៅអ្នកផលិតអគ្គិសនីទាំងក្នុងប្រទេសនិងពីប្រទេសជិតខាងអគ្គិសនីកម្ពុជាសូមអំពាវនាវដល់អតិថិជនរបស់អគ្គិសនីកម្ពុជាមេត្តាព្យាយាមជួយទូទាត់ថ្លៃប្រើប្រាស់ថាមពលអគ្គិសនីតាមកម្មវិធីនៃប្រព័ន្ធទូទាត់របស់បណ្ដាដៃគូដែលជាធធនាគារនិងគ្រឹះស្ថានមីក្រូហិរញ្ញវត្ថុផ្សេងៗឬអញ្ជើញទៅទូទាត់ផ្ទាល់នៅទីតាំងដែរនៅជិតបំផុតតាមដែលលោកអ្នកអាចធ្វើបាន»។
លោកបានបន្ថែមថា ចំពោះទីតាំងធំៗដែលធ្វើការទូទាត់តាមរយៈមូលមូលប្បទានប័ត្រអគ្គិសនីកម្ពុជាបានរៀបចំក្រុមការងារដើម្បីសម្របសម្រួលការទូទាត់ថ្លៃប្រើប្រាស់ថាមពលអគ្គិសនីរបស់អតិថិជននៅក្នុងតំបន់ដែលត្រូវបានបិទខ្ទប់ដោយអតិថិជនគ្រាន់តែអាចទំនាក់ទំនងមកអគ្គិសនីកម្ពុជាតាមរយៈលេខទូរសព្ទដែលមានលើវិក័យបត្ររៀងរាល់ម៉ោងធ្វើការ។
ក្រៅពីនេះអតិថិជនទាំងអស់អាចបង្វែរការទូទាត់តាមធនាគារមកកាន់គណនេយ្យណាមួយរបស់អគ្គិសនីកម្ពុជា។អាស្រ័យហេតុនេះសូមលោកលោកស្រីមេត្តាចូលរួមអនុវត្តឲ្យមានប្រសិទ្ធភាពរហូតដល់មានការជូនដំណឹងជាថ្មី។
លោកបានបញ្ជាក់ថា «ការរួមគ្នាទទួលខុសត្រូវបែបនេះជាវិធីតែមួយគត់ដែលអាចធានានិរន្តរភាពនៃការផ្គត់ផ្គង់អគ្គីសនីជូនជាតិយើងបាន»៕
ដោយ ៖ សំអឿន
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ