កីឡា

អ្នកចង់ទស្សនាការប្រកួតរបស់ វឿន វាសនា ដោយផ្ទាល់ភ្នែកកុំភ្លេចល្ងាចនេះនៅវិមានពហុកីឡដ្ឋានជាតិ

បានផុស

៨ នាទី មុន

នៅ

ថ្ងៃសុក្រ ១៩ មិថុនា ២០២៦

ដោយ

ការប្រកួតវិលជុំសន្សំពិន្ទុជុំទី២ តេជោលីគ លើកទី៣ ឆ្នាំ២០២៦ នេះនឹងចាប់ផ្ដើមនៅវេលាម៉ោង ២រសៀលនេះហើយ ស្របពេលសមាគមបាល់ទះវិសាខា របស់ វឿន វាសនា ប្រកួតនៅគូចុងក្រោយនេះដោយត្រូវប៉ះក្រុមស្នងការ ន.គ ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ វឿន វាសនា

សម្រាប់អ្នកគាំទ្រវិស័យកីឡាបាល់ទះ និងជាអ្នកគាំទ្រកីឡាករ វឿន វាសនា អាចចូលរួមទស្សនាដោយសេរីបាននៅល្ងាចនេះ ព្រោះសហព័ន្ធមិនមានលក់សំបុត្រអ្វីនោះទេ។ អាចនិយាយបានថាអ្នកគាំទ្រកម្ពុជាមិនបានឃើញការលេងដោយផ្ទាល់របស់ជើងខ្លាំង វឿន វាសនា ជាច្រើនឆ្នាំមកហើយពិសេសនោះនៅក្នុងវិមាននៃពហុកីឡដ្ឋានជាតិនេះតែម្ដង។

ជុំទី២ ដែលប្រជុំដោយកីឡាករចម្រុះជាតិសាសន៍ និងសំបូរកីឡាករខ្ពស់ៗ មានសមត្ថភាពខ្លាំងនោះបានធ្វើឲ្យអ្នកតាមដានវិស័យកីឡាបាល់ទះ ឬអ្នកតាមដានតេជោលីគ រដូវកាលទី៣ នេះនៅមិនសុខនោះឡើយ។ ជឿជាក់ថាបើកឆាកថ្ងៃទី១ ជុំទី២ នេះនឹងមានអ្នកមកគាំទ្រផ្ទាល់ក្នុងទីលានច្រើន ព្រោះចង់ឃើញពីសមត្ថភាពលេងរបស់ វឿន វាសនា ផង និងចង់ទស្សនាកីឡាករបរទេសដែលក្លឹបធំៗទាំង ៣បាននាំយកមកជួយក្រុមផងក្នុងការប្រជែងគ្នាឡើងទៅវគ្គ ៤ក្រុមចុងក្រោយ។

បញ្ជាក់ដែរថា ការប្រកួតថ្ងៃទី១ នៃជុំទី២ វគ្គវិលជុំសន្សំពិន្ទុនៅរសៀលនេះរួមមាន៖

គូទី១ ក្រុមបញ្ជាការដ្ឋានអង្គរក្ស ប៉ះ ស្នងការ ន.ប ខេត្តកោះកុង វេលាម៉ោង ២ រសៀល

គូទី២ សមាគមបាល់ទះក្រសួងមហាផ្ទៃ ប៉ះ ស្នងការ ន.ប រាជធានីភ្នំពេញ វេលាម៉ោង ៤ ល្ងាច

ទី៣ សមាគមបាល់ទះវិសាខា ប៉ះ ក្រុមបាល់ទះស្នងការ ន.ប ខេត្តស្វាយរៀង វេលាម៉ោង ៦ល្ងាច

អត្ថបទដោយ៖ នួន ស៊ីណា