សេដ្ឋកិច្ច

ចំណូលលក់សំបុត្រចូលទស្សនាអង្គរ បានជាង ១៨ លានដុល្លារ នៅក្នុងឆមាសទី១

បានផុស

១៦ នាទី មុន

នៅ

ថ្ងៃពុធ ១ កក្កដា ២០២៦

ដោយ

កម្ពុជារកចំណូលបានជាង ១៨ លានដុល្លារ (១៨៤៧២៤៦៩) ពីការលក់សំបុត្រចូលទស្សនារមណីយដ្ឋានអង្គរនៅក្នុងរយៈពេល ៦ ខែ ២០២៦ ធ្លាក់ចុះជិត ៣០% ធៀបនឹងរយៈពេលដូចគ្នា នៅឆ្នាំ ២០២៥។ នេះបើយោងតាមរបាយការណ៍របស់គ្រឹះស្ថានអង្គរចេញផ្សាយនៅថ្ងៃពុធទី ០១ កក្កដា ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍របស់គ្រឹះស្ថានអង្គរបង្ហាញថា គិតចាប់ពីខែមករា ដល់ខែមិថុនា ២០២៦ ភ្ញៀវទេសចរអន្តរជាតិចំនួន ៣៨៧ ៧៧២ នាក់ បានទិញសំបុត្រចូលទស្សនារមណីយដ្ឋានអង្គរ ធ្លាក់ចុះ ៣១,៦៩%។

លោក ខៀវ ធី ប្រធានសមាគមមគ្គុទ្ទេសក៍អង្គរខេត្តសៀមរាប មានប្រសាសន៍ថា បញ្ហាសង្គ្រាមព្រំដែនកម្ពុជា-ថៃ និងការបារម្ភពីការឆបោកអនឡាញ ព្រមទាំងស្ថានភាពភូមិសាស្ត្រនយោបាយនៅលើពិភពលោក បានធ្វើឱ្យភ្ញៀវទេសចរចូលមកទស្សនាក្នុងខេត្តសៀមរាបធ្លាក់ចុះ។

យោងតាមគ្រឹះស្ថានអង្គរ នៅឆ្នាំ ២០២៥ កម្ពុជារកចំណូលបានជិត ៤៥ លានដុល្លារ ពីការលក់សបុត្រចូលទស្សនារមណីយដ្ឋានអង្គរ ធ្លាក់ចុះ ៦,៥១% ប្រៀបធៀបនឹងឆ្នាំ ២០២៤៕