ខេត្តកំពង់ធំ ​បន្ត​រកឃើញ​អ្នក​ឆ្លង​កូវីដ​ថ្មី ៦ នាក់​ទៀត មក​ពីភ្នំពេញនិងប៉ោយប៉ែត

រដ្ឋបាលខេត្តកំពង់ធំបានប្រកាសរកឃើញអ្នកវិជ្ជមានកូវីដ‑១៩ ថ្មីចំនួន៦នាក់បន្ថែមទៀត ដែលជាអ្នកមកពីរាជធានីភ្នំពេញនិងប៉ោយប៉ែតខេត្តបន្ទាយមានជ័យ។

យោងតាមសេចក្តីជូនដំណឹងរបស់រដ្ឋបាលខេត្តកំពង់ធំបានឲ្យដឹងថា អ្នកជំងឺទាំង៦នាក់មានឈ្មោះ៖

-ទី១. ឈ្មោះផាន់សេង ភេទប្រុស អាយុ៣១ឆ្នាំនៅក្រុងស្ទឹងសែនមកពីរាជធានីភ្នំពេញទី
-ទី២. ឈ្មោះវ៉ែនស្រីដើង ភេទស្រីអាយុ៣៤ឆ្នាំនៅក្រុងស្ទឹងសែនមកពីភ្នំពេញ
-ទី៣. ឈ្មោះលី ហេង ភេទប្រុសអាយុ៥ឆ្នាំនៅស្រុកតាំងគោកមកពីប៉ោយប៉ែត
-ទី៤. ឈ្មោះមឿន លីដា ភេទស្រីអាយុ២២ឆ្នាំនៅស្រុកតាំងគោកមកពីភ្នំពេញ
-ទី៥. ឈ្មោះប៊ូ ផល្លី ភេទប្រុសអាយុ៤០ឆ្នាំនៅស្រុកតាំងគោកមកពីប៉ោយប៉ែតនិង
-ទី៦. ឈ្មោះយ៉ក់ សុប៊ុន ភេទស្រីអាយុ ២៤ ឆ្នាំនៅស្រុកកំពង់ស្វាយដែលបានប៉ះពាល់ជាមួយហៀកយ៉ា។

អ្នកជំងឺទាំង៦នាក់ខាងលើ ត្រូវបានក្រុមគ្រូពេទ្យយកសំណាកធ្វើតេស្តរហ័ស រកឃើញវិជ្ជមាននៅថ្ងៃទី១៣ខែឧសភាឆ្នាំ២០២១ និងបានដាក់ឲ្យសម្រាកព្យាបាលនៅមន្ទីរពេទ្យខេត្តកំពង់ធំ និងមន្ទីរពេទ្យបង្អែកបារាយណ៍សន្ទុក។

ដើម្បីទប់ស្កាត់ការឆ្លងរាលដាលនៃជំងឺកូវីដ‑១៩ថែមទៀតរដ្ឋបាលខេត្តសូមអំពាវនាវដល់អ្នកដែលធ្លាប់ពាក់ព័ន្ធនឹងអ្នកជំងឺខាងលើសូមរួសរាន់ទំនាក់ទំនងទៅអាជ្ញាធរឬមណ្ឌលសុខភាពដែលនៅជិតបំផុតដើម្បីយកសំណាកវិភាគរកមេរោគកូវីដ‑១៩នឹងធ្វើច័ត្តឡីស័កនៅតាមមណ្ឌលខេត្តក្រុងស្រុកឬនៅផ្ទះដោយខ្លួនឯងរយៈពេល១៤ ថ្ងៃឲ្យបានត្រឹមត្រូវ៕

អត្ថបទ៖ សំអឿន