ព័ត៌មានអន្ដរជាតិ
ថ្ងៃនេះបាងកកមានព្រឹត្តិការណ៍ធំ ៤ នាំឲ្យប៉ូលិស ៥ពាន់នាក់ដាក់ពង្រាយរក្សាសន្តិសុខជាតិ
ព្រឹត្តិការណ៍ធំៗ ៤ នឹងកើតមាននៅថ្ងៃសៅរ៍នេះ ក្នុងនោះរាប់បញ្ចូលទាំងក្រុមអ្នកតវ៉ាប្រឆាំងរដ្ឋាភិបាលថៃរាប់ម៉ឺននាក់ បានប្រមូលផ្តុំគ្នាក្នុងទីក្រុងបាងកក ស្របពេលដែលកងកម្លាំងសមត្ថកិច្ចយ៉ាងហោចណាស់ ៥ពាន់នាក់ ត្រូវគេដាក់ពង្រាយដើម្បីរក្សាសន្តិសុខ និងសុវត្ថិភាព។
ព្រឹត្តិការណ៍សំខាន់មួយសម្រាប់ថៃនៅថ្ងៃនេះ ព្រះមហាក្សត្រ Vajiralongkorn នឹងចូលរួមក្នុងពិធីសម្ពោធខ្សែរថភ្លើងក្រោមថ្មីមួយទៀត នៅឯស្ថានីយ Sanam Chai នាម៉ោង ៥ល្ងាចថ្ងៃនេះ ដោយព្រះអង្គ នឹងយាងជាព្រះរាជធិបតីជាមួយព្រះមហេសី។
ក្រៅពីក្រុមបាតុករប្រជាធិបតេយ្យ ក្រុមអាវលឿងដែលស្ម័គ្រស្មោះនិងរាជវង្សថៃ ក៏បានប្រមូលផ្តុំគ្នាដង្ហែរក្បួន បង្ហាញការគាំទ្រដល់ព្រះមហាក្សត្ររបស់ពួកគេនៅតែស្ថានីយរថភ្លើងដូចគ្នា។
តាមការអះអាងពីក្រុមប្រឆាំងរដ្ឋាភិបាល ប្រកាសកាលពីថ្ងៃសុក្រម្សិលមិញ ពួកគេនឹងប្រមូលផ្តុំគ្នាដង្ហែរក្បួនទៅកាន់វិមានប្រជាធិបតេយ្យ ដោយចាប់ផ្តើមចេញដំណើរពីម៉ោង ២ថ្ងៃត្រង់ ទាមទារឲ្យលោកនាយករដ្ឋមន្ត្រី ប្រយុទ្ធ ចាន់អូចា និងរដ្ឋមន្ត្រីក្រសួងអប់រំ លោក ណាតាផល ទេពសូវ៉ាន់ លាលែងចេញពីតំណែង ដោយសារតែអសមត្ថភាពធ្វើឲ្យប្រព័ន្ធអប់រំរបស់ប្រទេសធ្លាក់ចុះ។
ដោយឡែក ក្រុមសេរីភាពស្ត្រីមួយផ្សេងទៀត ក៏ប្រមូលផ្តុំគ្នាដើម្បីទាមទារឲ្យរដ្ឋាភិបាល ដោះស្រាយបញ្ហាយេនឌ័រនៅថ្ងៃសៅរ៍នេះដូចគ្នា។
ជាមួយនឹងព្រឹត្តិការណ៍ធំៗ ៤ កើតឡើងផ្ទួនគ្នានៅថ្ងៃសៅរ៍នេះ ប៉ូលិស ៥០០០នាក់ ត្រូវគេដាក់ពង្រាយដើម្បីរក្សាសណ្តាប់ធ្នាប់ និងសន្តិសុខ។ នេះបើតាមការអះអាងពីសំណាក់លោក ភីយ៉ា តាវិឆ័យ ស្នងការរងប៉ូលិសក្រុងបាងកក៕
ប្រែសម្រួល៖ សុភា
ប្រភព៖ Bangkok Post
-
ព័ត៌មានជាតិ១ សប្តាហ៍ agoផ្លូវជាតិថ្មីកាត់ពីខេត្តបាត់ដំបងទៅខេត្តសៀមរាប និង ផ្លូវជាតិលេខ ៦០បេ កំពុងជំរុញឈានទៅបើកការដ្ឋានសាងសង់នៅពេលខាងមុខ
-
ព័ត៌មានជាតិ១ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ចរាចរណ៍១ សប្តាហ៍ agoករណីគ្រោះថ្នាក់រថយន្ដដឹកកម្មកររោងចក្រនៅកំពង់ឆ្នាំង និងស្វាយរៀង មានជនរងគ្រោះស្លាប់សរុប ១៣នាក់ និងរបួសធ្ងន់ស្រាលជាង៣០នាក់
-
ព័ត៌មានជាតិ១ សប្តាហ៍ agoអភិបាលខេត្ត និងតំណាងរាស្ត្រ ចុះពិនិត្យដល់ទីតាំងភ្លាមៗក្រោយមានគ្រោះថ្នាក់ចរាចរណ៍នៅស្រុកកំពង់ត្រឡាច
-
ព័ត៌មានជាតិ១ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ១ សប្តាហ៍ agoអាមេរិក ជំរុញឱ្យសម្ព័ន្ធមិត្តណាតូ ជួយរួមដៃគ្នាបញ្ចប់សង្គ្រាមអ៊ីរ៉ង់
-
សេដ្ឋកិច្ច៥ ថ្ងៃ agoអតីតនិស្សិតពេទ្យសត្វម្នាក់ ចាប់របរចិញ្ចឹមមាន់សាច់រកចំណូលបានសមរម្យផ្គត់ផ្គង់គ្រួសារ
-
សន្តិសុខសង្គម១៧ ម៉ោង agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង