កូវីដ-១៩

ពលរដ្ឋនៅភ្នំពេញជាង១០ម៉ឺននាក់ទៀត ទទួលបានការចាក់វ៉ាក់សាំងកូវីដ១៩

បានផុស

៥ years មុន

នៅ

ថ្ងៃព្រហស្បតិ៍ ២៧ ឧសភា ២០២១

ដោយ

ប្រជាពលរដ្ឋរស់នៅក្នុងរាជធានីភ្នំពេញ ចំនួនជាង១០ម៉ឺននាក់ទៀតហើយ ទទួលបានការចាក់វ៉ាក់សាំងការពារកូវីដ-១៩ កាលពីថ្ងៃ២៦ឧសភា ដែលធ្វើឱ្យចំនួនអ្នកចាក់វ៉ាក់សាំងកើនដល់ជាង ១.៨ លាននាក់ (១ ៨២១ ៥៥៩) សម្រាប់តែប្រជាពលរដ្ឋរស់នៅក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃួង ស្រេង អភិបាល នៃគណៈអភិបាលរាជធានីភ្នំពេញ និងជាអនុប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ តែងបានចុះធ្វើការត្រួតពិនិត្យទីតាំងចាក់វ៉ាក់សាំងជារឿយៗ និងបានជំរុញឱ្យ ក្រុមការងារ ក្រុមគ្រូពេទ្យនិងអាជ្ញាធរដែនដី សម្រុកចាក់ឱ្យបានលឿនដើម្បីឱ្យការចាក់វ៉ាក់សាំងនេះ បានគ្រប់គ្នាសម្រាប់អ្នករស់នៅភ្នំពេញ យ៉ាងយូរបំផុតក្នុងអំឡុងខែមិថុនា ឆ្នាំ២០២១ខាងមុខនេះ ស្របតាមការកំណត់របស់រាជរដ្ឋាភិបាល។

យោងតាមរបាយការណ៍របស់រដ្ឋបាលរាជធានី បានបញ្ជាក់ថា គិតត្រឹមថ្ងៃ២៦ឧសភានេះ ដំណើរការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋដែលមានអាយុចាប់ពី១៨ឆ្នាំឡើងទៅ ក្នុងរាជធានីភ្នំពេញ បានចំនួន១ ៨២១ ៥៥៩នាក់ហើយ ខណៈដែលចំនួនអ្នកបានចាក់វ៉ាក់សាំងកាលពីថ្ងៃទី២៦ឧសភា ម្សិលមិញមានចំនួនជាង១០ម៉ឺននាក់(១០៦៧៣៤)។

គិតត្រឹមថ្ងៃទី ២៦ ខែឧសភា ចំនួនអ្នកចាក់វ៉ាក់សាំងសរុបទូទាំងប្រទេស បានកើនដល់ ២៣.៦២ ភាគរយ ស្មើនឹង ២ ៣៦៣ ១០១ នាក់ ដែលធៀបនឹងគោលដៅ ១០ លាននាក់៕

អត្ថបទ៖ ស្រីរ័ត្ន

Related Topics: