ព័ត៌មានជាតិ
តំបន់ទេសចរខេត្តកំពត មិនប៉ះពាល់ បន្តឲ្យភ្ញៀវ ចេញចូលកម្សាន្តបានជាធម្មតា
ប្រធានមន្ទីរទេសចរណ៍ខេត្តកំពតបានថ្លែងប្រាប់កម្ពុជាថ្មីតាមទូរសព្ទនៅព្រឹកនេះថា រមណីយដ្ឋានទេសចរណ៍ទាំំងអស់ក្នុងខេត្តកំពតនៅតែបើកដំណើរការជាធម្មតា បើទោះបីមានការដាក់បម្រាមគោរចររបស់អាជ្ញាធរខេត្ត ដើម្បីទប់ស្កាត់ការឆ្លងរាលដាលជំងឺកូវីដ១៩។
លោក សយ ស៊ីណុល ប្រធានមន្ទីរទេសចរណ៍ខេត្តកំពតឲ្យដឹងថា នៅខេត្តកំពតមានរមណីយដ្ឋានទេសចរណ៍ ២២ កន្លែងក្នុងនោះ ភ្នំបូកគោ និងទឹកឈូ ជាតំបន់ដែលទាក់ទាញភ្ញៀវទេសចរទៅលេងច្រើនជាងគេ។
ទាក់ទងវិធានការរិតបន្តឹងនៅខេត្តកំពត មន្រ្តីដែលទទួលបន្ទុកដឹកនាំផ្នែកទេសចរណ៍ខេត្តថ្លែងឲ្យដឹងថា ភ្ញៀវនៅតែអាចមកកម្សាន្តតាមតំបន់រមណីយដ្ឋានទូទាំំងខេត្តបានជាធម្មតា គ្រាន់តែមានការហាមឃាត់ការលក់ដូរគ្រឿងស្រវឹងប៉ុណ្ណោះ។
លោកប្រធានមន្ទីរបានបន្តថា ការរាលដាលកូវីដ ១៩ បានធ្វើឲ្យវិស័យទេសចរណ៍ខេត្តកំពតមានថយចុះ។ យ៉ាងណាមិញ ក្នុងរយៈពេលជិតមួយខែចុងក្រោយ មានភ្ញៀវជាតិនិងអន្តរជាតិជាង ៤ ម៉ឺននាក់បានមកកម្សាន្តក្នុងខេត្តកំពត ដោយបុកទៅកម្សាន្តច្រើននៅលើភ្នំបូកគោ និងតំបន់ទេសចរណ៍ទឹកឈូ។
រដ្ឋបាលខេត្តកំពតបានចេញសេចក្តីជូនដំណឹងដល់សាធារណជន និងប្រជាពលរដ្ឋពីការដាក់បម្រាមគោចរពីម៉ោង ២០ ០០ យប់ ដល់ម៉ោង៥ ០០ ព្រឹក ចាប់ពីថ្ងៃទី០២ ដល់ថ្ងៃទី ០៩ ខែមិថុនា ឆ្នាំ២០២១។
អាជ្ញាធរខេត្តក៏បញ្ជាក់ដែរថា គ្មានការបិទផ្សារណាមួយឡើយ ក្នុងភូមិសាស្ត្រខេត្តកំពត គឺផ្ដោតសំខាន់ទៅលើការហាមឃាត់ការលក់គ្រឿងស្រវឹងគ្រប់ប្រភេទ និងការជួបជុំនានា ព្រមទាំងបម្រាមគោចរពីម៉ោង២០ ០០ យប់ដល់ម៉ោង៥ព្រឹក ចាប់ពីថ្ងៃទី០២ ដល់ថ្ងៃទី ០៩ ខែមិថុនា ឆ្នាំ២០២១ តែប៉ុណ្ណោះ។
រដ្ឋបាលខេត្តសំណូមពរ ឲ្យបងប្អូនប្រជាពលរដ្ឋកុំមានការយល់ច្រលំថា រដ្ឋបាលខេត្តគ្រោងបិទផ្សារណាមួយឡើយ តែត្រូវគោរពវិធានការរដ្ឋបាលក្នុងការទប់ស្កាត់ការឆ្លងរាលដាលនៃជំងឺកូវីដ-១៩និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត យោងតាមការចាំបាច់របស់រដ្ឋបាលខេត្ត៕
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS