ជនមានពិការភាពទាំងអស់ទទួលបានការយកចិត្តទុកដាក់ និងបង្កលក្ខណៈងាយបំផុតក្នុងការចាក់វ៉ាក់សាំងការពារកូវីដ-១៩

លោក តូច ចាន់នី អគ្គនាយកបច្ចេកទេសនៃក្រសួងសង្គមកិច្ចអតីតយុទ្ធជននិងយុវនីតិសម្បទាបានថ្លែងមុននេះថា គ្រប់ទីកន្លែងទាំងអស់ ពិសេសរាជធានី និងខេត្តកណ្តាលចំពោះជនមានពិការភាពទទួលបានការយកចិត្តទុកដាក់ និងបង្កលក្ខណៈងាយបំផុត ក្នុងការចាក់វ៉ាក់សាំងការពារជំងឺរាតត្បាតដ៍កាចសាហាវកូវីដ១៩នោះសម្រាប់ពួកគាត់។

លោក តូច ចាន់នី ថ្លែងបែបនេះនាថ្ងៃម្សិលមិញ ខណៈពេលដឹកនាំក្រុមការងារនាយកដ្ឋានសុខុមាលភាពជនពិការ និងមន្ទីរ ស.អ.យ ខេត្តកណ្តាល បានចុះជួយសម្រសម្រួលក្នុងការចាក់វ៉ាក់សាំងជូនជនមានពិការភាពក្នុងស្រុកខ្សាច់កណ្តាល ឃុំព្រែកតាមាក់ នៅមណ្ឌលចាក់វ៉ាសាំង សាលាបឋមសិក្សា ប៊ុន រ៉ានី ហ៊ុន សែន ព្រែកតាមាក់ ខេត្តកណ្តាលដោយមានការចូលរួម លោកប្រធាននាយកដ្ឋាន លោកស្រីអភិបាលរងស្រុក លោកប្រធានមន្ទីស.អ.យ លោកស្រីប្រធានយូនីសេហ្វ (UNICEF) និងក្រុមការងារមួយចំនួនទៀតផងដែរ។

លោកអគ្គនាយក តូច ចាន់នីក៍បានណែរនាំដល់បងប្អូនដែលមានពិការភាព ក្នុងការរក្សាឣនាម័យ ៣កុំ ៣ការពារ តាមការណែនាំរបស់ក្រសួងសុខាភិបាល ទោះបីជាបានចាក់វ៉ាក់សាំងរួចក្តីក៍ត្រូវបន្តប្រុងប្រយ័ត្នគ្រប់ពេលដដែលព្រោះនៅកម្ពុជា គិតត្រឹមព្រឹកថ្ងៃទី១៦ខែមិថុនា ឆ្នាំ២០២១ រកឃើញអ្នកឆ្លងថ្មី ជិត៤មុឺននាក់ ជាសះស្បើយជាង៣មុឺននាក់ និងស្លាប់ជិត៤០០នាក់ទៅហើយនោះ។ នាឪកាសនោះលោកក៏បានធ្វើការចែកជូននូវម៉ាស ឣាលកុល និងជែលមួយចំនួនជូនពួកគាត់ដើម្បីប្រើប្រាស់ប្រចាំថ្ងៃផងដែរ៕

អត្ថបទ ៖ វិមាន