កូវីដ-១៩

គ្រូទាយម្នាក់នៅផ្សារវាយន្តខេត្តស្វាយរៀងបានស្លាប់ដោយសារកូវីដ សូមអាជីវករពាក់ព័ន្ធប្រញាប់ទៅធ្វើតេស្ត

បានផុស

៥ years មុន

នៅ

ថ្ងៃចន្ទ ២១ មិថុនា ២០២១

ដោយ

ក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ខេត្តស្វាយរៀងបានអំពាវនាវដល់បងប្អូនប្រជាពលរដ្ឋ និងអាជីវករដែលពាក់ព័ន្ធជាមួយឈ្មោះ ទេស សារឿន ភេទស្រី អាយុ ៥៨ឆ្នាំ រស់នៅភូមិចេក សង្កាត់ចេក ក្រុងស្វាយរៀង មុខរបរគ្រូទាយនៅផ្សារវាលយន្ត ដែលបានស្លាប់ដោយសារជំងឺកូវីដ១៩ ត្រូវប្រញាប់ទៅធ្វើតេស្តរកជំងឺកូវីដ ១៩ជាបន្ទាន់។

បើតាមក្រុមការងារបានបញ្ជាក់ថា « សូមបងប្អូនដែលពាក់ព័ន្ធទាំងផ្ទាល់ និងប្រយោលចាប់ពីថ្ងៃទី០៦ ខែមិថុនា ឆ្នាំ២០២១? សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះដែរ ក្រុមការងារបានបន្តទៀតថា ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមមេត្តាប្រញាប់ ទៅធ្វើតេស្តរកមេរោគកូវីដ១៩ ឬផ្ដល់ព័ត៌មានទៅអាជ្ញាធរមូលដ្ឋាន ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩ ខេត្ត លេខទូរសព្ទ088 783 6666 ឬ 097 503 4567 ដើម្បីមានវិធានការណ៍បន្ត ។

ក្រុមការងារបានបន្ថែមទៀតថា សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ។

គួរបញ្ជាក់ថា គិតត្រឹមព្រឹកថ្ងៃទី២១ ខែមិថុនាឆ្នាំ២០២១នេះ ខេត្តស្វាយរៀងមានអ្នកឆ្លងជំងឺកូវីដ១៩ចំនួន១៥៧០នាក់ស្រី៩១២នាក់ជាសះស្បើយចំនួន១០៧៦នាក់ស្រី៦០៦នាក់កំពុងព្យាបាលចំនួន៤៨៣នាក់ស្រី៣០៣នាក់និងស្លាប់ចំនួន១១នាក់ស្រី៤នាក់៕

ដោយ ៖ សំអឿន