ព័ត៌មានអន្ដរជាតិ
WHO ប្រាប់ថា ប្រទេសក្រីក្រច្រើនកំពុងអស់វ៉ាក់សាំងបង្ការកូវីដ
ប្រទេសក្រីក្រជាច្រើនដែលទទួលវ៉ាក់សាំងបង្ការកូវីដ-១៩តាមរយៈកម្មវិធីសកល Covax មិនមានវ៉ាក់សាំងគ្រប់គ្រាន់ដើម្បីបន្តយុទ្ធនាការណ៍ចាក់វ៉ាក់សាំងរបស់ខ្លួនទៀតទេ។ នេះជាការលើកឡើងរបស់អង្គការសុខភាពពិភពលោក។
ទីប្រឹក្សាជាន់ខ្ពស់របស់អង្គការសុខភាពពិភពលោក (WHO) លោកបណ្ឌិត Bruce Aylward បាននិយាយថា កម្មវិធី Covax បានចែកចាយវ៉ាក់សាំងចំនួន៩០លានដូសដល់ប្រទេសចំនួន១៣១ទូទាំងពិភពលោក។ ប៉ុន្តែចំនួនទាំងនេះតិចណាស់ដែលមិនគ្រប់គ្រាន់សម្រាប់ចាក់ដល់ប្រជាជនច្រើននៅតាមបណ្តាប្រទេសខ្វះខាតទាំងនោះទេ។
កង្វះវ៉ាក់សាំងបានកើនមានឡើងស្របពេលប្រទេសមួយចំនួននៅអាហ្វ្រិកបានកំពុងទទួលរងការវាយប្រហារកូវីដ-១៩លើកទី៣យ៉ាងខ្លាំង។
កាលពីថ្ងៃចន្ទ ប្រធានាធិបតីអាហ្វ្រិកខាងត្បូង លោក Cyril Ramaphosa បានអំពាវនាវឲ្យបញ្ឈប់ការរក្សាទុកវ៉ាក់សាំងរបស់បណ្តាប្រទេសអ្នកមាន ខណៈរដ្ឋាភិបាលរបស់លោកកំពុងរឹតត្បិតទប់ស្កាត់ការរាលដាលឆ្លង។
លោក Ramaphosa បានឲ្យដឹងថា គិតជាកម្រិតទ្វីប វ៉ាក់សាំងតែ៤០លានដូសប៉ុណ្ណោះបានចាក់ដល់ប្រជាជននៅអាហ្វ្រិកដែលតិចជាង២%នៃប្រជាជន។
ដើម្បីដោះស្រាយបញ្ហានេះ លោកបាននិយាយថា រដ្ឋាភិបាលរបស់លោកកំពុងធ្វើការជាមួយគម្រោង Covax ដើម្បីបង្កើតមណ្ឌលប្រចាំតំបន់សម្រាប់ការផលិតវ៉ាក់សាំងនៅអាហ្វ្រិកខាងត្បូង។
គម្រោង Covax ត្រូវបានបង្កើតឡើងកាលពីឆ្នាំមុនដោយ WHO ដើម្បីធានាការចែកចាយវ៉ាក់សាំងបង្ការកូវីដ-១៩គ្រប់គ្រាន់ដល់ប្រទេសក្រីក្រទូទាំងពិភពលោកដែលប្រទេសអ្នកមានឧបត្ថម្ភ។ គោលដៅរបស់គម្រោងនេះគឺចែកវ៉ាក់សាំងឲ្យបាន២ប៊ីលានដូសនៅបំណាច់ឆ្នាំ២០២១។
ភាគច្រើននៃការបរិច្ចាគវ៉ាក់សាំងទៅប្រទេសខ្វះខាតគឺ Covax សង្ឃឹមចែកចាយឲ្យបានគ្រប់គ្រាន់ដែលហោចណាស់បាន២០%នៃប្រជាជនដែរ។
ទោះបីជាយ៉ាងណា ការចែកចាយវ៉ាក់សាំងទាំងនោះត្រូវបានរាំងស្ទះដោយសារការពន្យារពេលនៃការផលិត និងការផ្គត់ផ្គង់ដែលនាំឲ្យមានការខ្វះខាត។
ប្រទេស អ៊ូហ្គង់ដា ហ្ស៊ីមបាវេ បង់ក្លាដែស និង ទ្រីនីដាដនិងថូបាបា គឺគ្រាន់តែជាប្រទេសខ្លះដែលបានរាយការណ៍អំពីការអស់វ៉ាក់សាំងក្នុងប៉ុន្មានថ្ងៃថ្មីៗនេះ៕
ប្រែសម្រួល៖ វីរបុត្រ
ប្រភព៖ BBC
-
ព័ត៌មានអន្ដរជាតិ៧ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៦ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៣ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៦ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ១ សប្តាហ៍ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS