ព័ត៌មានជាតិ
សមត្ថកិច្ចខេត្តកំពង់ស្ពឺ បំភ្លឺករណីផាកពិន័យរថយន្ត កែច្នៃខុសបច្ចេកទេសមួយគ្រឿង ក្រោយមានការរិះគន់
សមត្ថកិច្ចខេត្តកំពង់ស្ពឺ បានចេញមុខបំភ្លឺចំពោះករណីឃាត់ណែនាំ និងផាកពិន័យរថយន្តមួយគ្រឿង ចំនួន១៥ម៉ឺនរៀល កែច្នៃខុសលក្ខណៈបច្ចេកទេស បន្ទាប់ពីមានការរិះគន់ នៅលើបណ្ដាញសង្គមហ្វេសប៊ុករួចមក។
ក្រុមការងារព័ត៌មាន និងប្រតិកម្មរហ័ស ស្នងការដ្ឋាននគរបាលខេត្តកំពង់ស្ពឺ នៅថ្ងៃទី៥ ខែកក្កដា ឆ្នាំ២០២១ បានបំភ្លឺដោយយោងតាមច្បាប់ថា៖ ការកែច្នៃយានយន្តខុសបទដ្ឋានបច្ចេកទេស គឺជាការកែច្នៃបច្ចេកទេសលើយានយន្តខុសពីរោងចក្របានផលិត ដូចជា៖ ការកែច្នៃយានឲ្យដឹកបានច្រើន ឫលូតកំពស់ ឫលូតបណ្តោយ ដែលកាន់តែបន្ថែមទម្ងន់ដល់យាន ឬ អាចធ្លាក់ អាចប៉ះបង្កគ្រោះថ្នាក់។
ករណីកែច្នៃអាចធ្វើទៅបាន លុះណាមានការអនុញ្ញាតពីក្រសួងសាធារណការ និងដឹកជញ្ជូន ដូចមានចែងក្នុងអនុក្រឹត្យលេខ១៨០។ ការកែច្នៃដែលគ្មានការអនុញ្ញាត ពីក្រសួងសាធារណការ និងដឹកជញ្ជូន នឹងត្រូវចាត់ទុកជាការកែច្នៃខុសបទដ្ឋានបច្ចេកទេស ដែលត្រូវពិន័យតាមអនុក្រឹត្យលេខ៣៩។ ជាមួយនេះ មាត្រា៦៦ នៃច្បាប់ស្តីពីចរាចរណ៍ផ្លូវគោកបានតម្រូវឲ្យឃាត់យានយន្ត ដើម្បីកែតម្រូវលក្ខណៈបច្ចេកទេសទៀតផង ។
ជាក់ស្ដែងនៅគោលដៅអនុវត្ត ច្បាប់ចរាចរណ៍ផ្លូវគោក ស្ថិតនៅលើកំណាត់ផ្លូវជាតិលេខ៤ ត្រង់ចំណុចភ្លើងស្ដុប មុខមន្ទីរសាធារណៈការខេត្ដកំពង់ស្ពឺ មានរថយន្ដមួយគ្រឿង ម៉ាកនីសាន់ ពណ៌ស្លែ ពាក់ស្លាកលេខ ភ្នំពេញ2BF-7993 បើកបរដោយឈ្មោះ សៅ ប៉ិចពន្លឺ ភេទប្រុស អាយុ៣២ឆ្នាំ មានទីលំនៅសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ។
រថយន្ដខាងលើនេះ បានកែច្នៃខុសលក្ខណៈបច្ចេកទេស ត្រូវបានកម្លាំងនគរបាលចរាចរណ៍ ឃាត់ណែនាំ និងផាកពិន័យ ជាប្រាក់ចំនួន១៥០,០០០ (មួយសែនប្រាំម៉ឺន)រៀល ហើយអត្ថន័យ៖ ពិន័យអំពើល្មើសមាត្រា៧ថ្មី នៃអនុក្រឹត្យលេខ៣៩ អនក្រ.បក ចុះថៃ្ងទី១៧ ខែមីនា ឆ្នាំ២០២០។
ជាចុងក្រោយក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្ដកំពង់ស្ពឺ បានសំណូមពរ ដល់អ្នកនិយមលេងបណ្ដាញសង្គមហ្វេសប៊ុក មេត្ដាកុំទាន់ផ្សព្វផ្សាយ ឬវិនិច្ឆ័យបញ្ហា ដោយគ្មានប្រភពស្វែងយល់អំពីផ្លូវច្បាប់៕ (ដោយ)៖ ឃួន សុភ័ក្រ
-
ព័ត៌មានអន្ដរជាតិ២១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ