ព័ត៌មានអន្ដរជាតិ

វីរុសកាច Delta កំពុងបានដៃលើពលរដ្ឋអាមេរិកមិនទាន់ចាក់វ៉ាក់សាំង

បានផុស

៥ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

វីរុសបំប្លែងដែលឆ្លងលឿនរហ័ស Delta បានកំពុងវាយប្រហារលើតំបន់ប្រជាជនអាមេរិកដែលចាក់វ៉ាក់សាំងតិចតូចធ្វើឲ្យករណីឆ្លងមួយរយៈពេលចុងក្រោយនេះហក់ឡើងខ្ពស់។

អត្រាឆ្លងកូវីដ-១៩នៅបណ្តារដ្ឋជាច្រើនដូចជា Kansas, Oklahoma, Missouri, Arkansas, Louisiana និង Mississippi គឺក្នុងចំណោមអត្រាឆ្លងខ្ពស់បំផុតនៅអាមេរិក ខណៈអត្រាចាក់វ៉ាក់សាំងរបស់រដ្ឋទាំងនោះស្ថិតក្នុងចំណោមរដ្ឋដែលចាក់វ៉ាក់សាំងទាបជាងគេ។

ការឆ្លងជាចង្កោមនៅបណ្តារដ្ឋភាគខាងភាគខាងលិច និងខាងត្បូងបានលេចឡើងជាមណ្ឌលផ្ទុះកូវីដ-១៩ថ្មី ដោយសារតែវីរុសបំប្លែងឥណ្ឌា Delta កំពុងវាយប្រហារទៅលើតំបន់ប្រជាជនដែលចាក់វ៉ាក់សាំងតិចតួចទូទាំងអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត្តានេះជាសញ្ញាវិលត្រឡប់មកវិញដ៏ធ្ងន់ធ្ងរមួយសម្រាប់ការប៉ុនប៉ងរបស់រដ្ឋបាលលោកប្រធានាធិបតី ចូ បៃដិន ដើម្បីដាក់បំរាមគោចរ និងគ្រប់គ្រងការឆ្លងរាលដាល ខណៈវីរុសបំប្លែងខ្លួន Delta ដែលកំពុងវាយលុកនៅចក្រភពអង់គ្លេស និងប្រទេសផ្សេងៗដែរនោះបានចាប់ផ្តើមសាយភាយកាន់តែច្រើនស្ទើរទូទាំងអាមេរិក។

ការផ្ទុះឡើងសាជាថ្មីបានកើនឡើង ស្របពេលដែលជីវិតរស់នៅអាមេរិកបានចាប់ផ្តើមវិលត្រឡប់មកវិញស្ទើរតែធម្មតាទៅហើយ ដោយវិធានការរឹតបណ្តឹងកូវីដ-១៩ជាច្រើនត្រូវបានលើក ហើយកម្មវិធីចាក់វ៉ាក់សាំងក៏ថយចុះ។

ទោះជាយ៉ាងណា បើគិតជារួម ចំនួនឆ្លងថ្មីនៅទាប។ ចំនួនឆ្លងថ្មីមានតិចជាង១ភាគ១០នៃអត្រាឆ្លងប្រចាំថ្ងៃដែលឡើងខ្ពស់បំផុតកាលពីខែមករា បើទោះជាកើនឡើងទ្វេដងក្នុងពេលពីរសប្តាហ៍ចុងក្រោយនេះ។

«យើងមិនទាន់ដូចកាលពីខែមេសា ឆ្នាំ២០២០ទេ»។ លោកវេជ្ជបណ្ឌិត David Dowdy សហសាស្ត្រាចារ្យជំងឺឆ្លងនៅសាកលវិទ្យាល័យ Johns Hopkins និងជាអ្នកឯកទេសជំងឺឆ្លងបាននិយាយ។

ទោះជាយ៉ាងណា លោកថា ៖«យើងឃើញចំនួនឆ្លងអាចកើនឡើងយ៉ាងឆាប់រហ័ស ដូច្នេះយើងត្រូវតែប្រុងប្រយ័ត្ន ប៉ុន្តែមិនត្រូវភ័យស្លន់ស្លោ»។

ប្រហែលជា៥៥%នៃពលរដ្ឋអាមេរិកទាំងអស់បានចាក់វ៉ាក់សាំងបង្ការកូវីដ-១៩ពេញលេញហើយ។ នេះបើយើងតាមមជ្ឈមណ្ឌលគ្រប់គ្រង និងបង្ការជំងឺឆ្លង(CDC)។ វ៉ាក់សាំងដែលត្រូវបានអនុញ្ញាតដោយរដ្ឋបាលចំណីអាហារ និងឱសថនៅតែមានសុវត្ថិភាព និងប្រសិទ្ធភាពខ្ពស់ប្រឆាំងនឹងកូវីដ-១៩ និងវីរុសបំប្លែងរាប់ទាំង Delta ផង។

មន្ត្រីរដ្ឋបាននិយាយថា ភាគច្រើនបំផុតដែលអ្នកឆ្លងឥឡូវនេះចូលមន្ទីរពេទ្យគឺជាអ្នកមិនទាន់ចាន់វ៉ាក់សាំង។

ប៉ុន្មានសប្តាហ៍ចុងក្រោយនេះ ជាង៩៨%នៃមនុស្សដែលឆ្លងកូវីដចូលមន្ទីរពេទ្យនៅរដ្ឋ Arkansas និង Oklahoma គឺជាអ្នកមិនទាន់ចាក់វ៉ាក់សាំង។ នៅ Arkansas មន្ត្រីនិយាយថា ក្នុងចំណោមពួកគេគឺអាយុចន្លោះ២០ឆ្នាំ ៣០ឆ្នាំ និង៤០ឆ្នាំចូលមន្ទីរពេទ្យ៕

ប្រែសម្រួល៖ វីរបុត្រ
ប្រភព៖ theguardian

Related Topics:កូវីដ-១៩ ព័ត៌មានខ្លីៗ សហរដ្ឋអាមេរិក

សេចក្ដីជូនដំណឹង១ សប្តាហ៍ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា