ព័ត៌មានជាតិ

ខេត្តរតនគិរី រកឃើញអ្នកឆ្លងជំងឺកូវីដ ថ្មី២នាក់ ជាករណីនាំចូលពីក្រៅខេត្ត

បានផុស

៥ years មុន

នៅ

ថ្ងៃព្រហស្បតិ៍ ២២ កក្កដា ២០២១

ដោយ

រដ្ឋបាលខេត្តរតនគិរីចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងជំងឺកូវីដ១៩ ចំនួន២នាក់ សម្រាប់ថ្ងៃទី២១ ខែកក្កដា ឆ្នាំ២០២១។

ក្រុមការងារឆ្លើយតបបន្ទាន់មន្ទីរសុខាភិបាលនៃរដ្ឋបាលខេត្តរតនគិរី បានខិតខំបន្តស្រាវជ្រាវស្វែងរកអ្នកពាក់ព័ន្ធជាមួយអ្នកវិជ្ជាមានជំងឺកូវីដ១៩ នៅក្នុងខេត្តកន្លងមក ដោយបានយកសំណាកមនុស្សចំនួន២៧៣នាក់ ជាលទ្ធផលពុំមានករណីវិជ្ជមាននៅក្នុងខេត្តឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកក្រុមការងារត្រួតពិនិត្យបឋមស្ពានស្រែពក ស្រុកកូនមុំ បានរកឃើញករណីវិជ្ជមានពីរនាក់រមាន ១-ឈ្មោះ ស៊ាង សុខជា ភេទប្រុស អាយុ៥២ឆ្នាំជនជាតិខ្មែរ មានទីលំនៅឃុំព្រែកអាជី ឃុំព្រែកអាជី ស្រុកក្រូចឆ្មា ខេត្តត្បូងឃ្មុំ។ ២-ឈ្មោះ ព្រឹម រស្មី ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិទួលសំបូរ ឃុំជប់ ស្រុកត្បូងឃ្មុំ ខេត្តត្បូងឃ្មុំ។

ដោយឡែកនៅថ្ងៃទី២១ ខែកក្កដា ឆ្នាំ២០២១ មានអ្នកជំងឺកូវីដ១៩ ចំនួន១៧នាក់ ត្រូវបានក្រុមគ្រូពេទ្យ អនុញ្ញាតឲ្យចេញពីមណ្ឌលព្យាបាលនឹងត្រូវបន្តធ្វើចតតាឡីស័កដោយខ្លួនឯងរយៈពេល១៤ថ្ងៃ ដើម្បីតាមដានសុខភាពមុននឹងប្រាស្រ័យទាក់ទងជាមួយអ្នកដទៃ។

សូមបញ្ជាក់ថា គិតត្រឹមថ្ងៃទី២១ ខែកក្កដា ឆ្នាំ២៩២១ នៅខេត្តរតនគិរីមានអ្នកវិជ្ជមានជំងឺកូវីដ១៩ សរុបចំនួន៦៤៤នាក់ ព្យាបាលជាសះស្បើយសរុបចំនួន៤៦១នាក់ និងស្លាប់៤នាក់៕

អត្ថបទ ៖ វុទ្ធឦសាន

Related Topics: