សុខភាព

អាហារ ៤ មុខ មានផ្ទុកអូមេហ្គា ៣ ជួយពង្រឹងភាពស៊ាំដល់រាងកាយក្នុងវិបត្តិកូវីដ

បានផុស

៥ years មុន

នៅ

ថ្ងៃចន្ទ ២៦ កក្កដា ២០២១

ដោយ

សាង ស្រីល័ក្ខ

ដោយសារជំងឺកូវីដបាននឹងកំពុងវាយលុក មនុស្សភាគច្រើនជ្រើសរើសអាហារដែលមានសុខភាពល្អ ដើម្បី ពង្រឹងរាងកាយ។

អាហារដែលសំបូរទៅដោយជាតិអូមេហ្គា ៣ ជាអាស៊ីដខ្លាញ់ដែលចាំបាច់សម្រាប់ប្រព័ន្ធដំណើរការក្នុងរាងកាយ។

អ្វីជាអូមេហ្គា ៣ ?

អាស៊ីដខ្លាញ់អូមេហ្គា ៣ គឺជាអាស៊ីដខ្លាញ់សំខាន់មួយដែលមានសារសំខាន់ សម្រាប់ប្រព័ន្ធដំណើរការក្នុងរាងកាយ។ ប៉ុន្តែវាជាអាស៊ីដខ្លាញ់ដែលរាងកាយមិនអាចបង្កើតដោយខ្លួនឯងបានទេ។ ដូច្នេះយើងត្រូវបរិភោគអាហារដែលមានផ្ទុកអូមេហ្គា ៣ ដូចជាត្រី ដើម្បីផ្តល់រាងកាយនូវសារធាតុចិញ្ចឹមឲ្យពេញលេញ។

១ ត្រី mackerel

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

mackerel ក្រៅពីមានរសជាតិឈ្ងុយឆ្ងាញ់និងមានតម្លៃអាហាររូបត្ថម្ភខ្ពស់។ ជាពិសេសគឺផ្ទុកទៅដោយ អូមេហ្គា ៣ សេលេញ៉ូម និង វីតាមីន B 12 មានប្រយោជន៍សម្រាប់សុខភាពរាងកាយ។

២ អយស្ទ័រ

អយស្ទ័រគឺជាមុខម្ហូបឬអាហារសម្រន់ដ៏ពេញនិយម។ ក្រៅពីមានរសជាតិឆ្ងាញ់ វាសំបូរទៅដោយអូមេហ្គា ៣ វីតាមីន B12 និងស័ង្កសីដែលមានលក្ខណៈសម្បត្តិជំរុញមុខងារប្រព័ន្ធប្រសាទ។

៣ សារាយសមុទ្រ

សារាយសមុទ្រគឺជាមុខម្ហូបដ៏ពេញនិយមមួយផ្សេងទៀត សម្រាប់អ្នកទទួលទាន និងមានអត្ថប្រយោជន៍ចំពោះសុខភាពដូចជាសារធាតុប្រឆាំងអុកស៊ីតកម្ម ការកាត់បន្ថយសំពាធឈាមឡើងខ្ពស់។ ល។

៤ អាហារសមុទ្រ

អាហារសមុទ្រដូចជាត្រី ខ្លាញ់ក្តាម ជាដើមដែលសំបូរទៅដោយអូមេហ្គា ៣ ជួយបំប៉នសុខភាពបេះដូង ចិញ្ចឹមសុខភាពភ្នែក និងបង្កើនមុខងារខួរក្បាល។

អូមេហ្គា ៣ ពិតជាមានអត្ថប្រយោជន៍ចំពោះសុខភាព និងដើរតួយ៉ាងសំខាន់ក្នុងរចនាសម្ព័ន្ធនៃប្រព័ន្ធនានាក្នុងរាងកាយ ជាពិសេសដំណើរការនៃប្រព័ន្ធខួរក្បាល ក៏ដូចជាអត្ថប្រយោជន៍ផ្សេងៗទៀតដូចខាងក្រោម៖

កាត់បន្ថយហានិភ័យនៃជំងឺធ្លាក់ទឹកចិត្ត

អ្នកដែលមានជំងឺធ្លាក់ទឹកចិត្តឬថប់បារម្ភ ប្រសិនបើអ្នកញ៉ាំអាហារដែលផ្ទុកអូមេហ្គា ៣ វាជួយបំបាត់រោគសញ្ញាធ្លាក់ទឹកចិត្ត និងថប់បារម្ភ។

ជាពិសេសជួយថែរក្សាសុខភាពភ្នែក អាស៊ីដ Docosahexaenoic (DHA) ដែលជាសមាសធាតុរចនាសម្ព័ន្ធសំខាន់នៃរីទីណានៅក្នុងភ្នែក អាចជួយការពារការចុះខ្សោយនៃភ្នែកដែលបណ្ដាលឲ្យងងឹតភ្នែក។

កាត់បន្ថយការរលាក

អូមេហ្គា ៣ មានគុណសម្បត្ដិជួយកាត់បន្ថយការផលិតម៉ូលេគុល និងសារធាតុដែលទាក់ទងនឹងការរលាកដូចជាអេស៊ីកូណូស្យូសស៊ីតូកូស៊ីនជាដើម និងកាត់បន្ថយការរលាករ៉ាំរ៉ៃនៃជំងឺផ្សេងៗ។ ប្រយុទ្ធប្រឆាំងនឹងជំងឺអូតូអ៊ុយមីន។ អូមេហ្គា ៣ អាចប្រឆាំងនឹងអាឡ័កស៊ីជាច្រើន ដូចជាទឹកនោមផ្អែម ជំងឺរលាកសន្លាក់ប្រភេទ ១ ជាដើម ជំងឺពោះវៀនធំ និងជំងឺស្បែករបកក្រហមជាដើម៕

ប្រែសម្រួល៖ សាង ស្រីល័ក្ខ

ចុចអាន៖មង្ឃុត ស្ដេចផ្លែឈើសំបូរទៅដោយធាតុចិញ្ចឹម និងជាឱសថព្យាបាលអ្នកជំងឺរ៉ាំរ៉ៃ

ចុចអាន៖ស្ត្រីមានផ្ទៃពោះ កុំញ៉ាំស៊ូស៊ីសាច់ឆៅ ប្រយ័ត្នបង្ករោគធ្ងន់ធ្ងរដល់កូនក្នុងផ្ទៃ