ព័ត៌មានជាតិ

កម្លាំងសមត្ថកិច្ចក្រុងតាខ្មៅចុះបិទហាងយីហោ(គោលដៅចាស់) ដែលបើកលក់បំពានទៅនឹងវិធានរដ្ឋបាល

បានផុស

៥ years មុន

នៅ

ថ្ងៃពុធ ៤ សីហា ២០២១

ដោយ

កណ្តាល ៖ កម្លាំងនគរបាលខេត្តកណ្ដាលសហការជាមួយនឹងកម្លាំងនគរបាលក្រុងតាខ្មៅក៏ដូចជាប៉ុស្តិ៍រដ្ឋបាលតាខ្មៅ បានចុះឡោមព័ទ្ធទីតាំងហាងបើកលក់គ្រឿងស្រវឹងផឹកស៊ី យីហោ(គោលដៅចាស់) ដែលមានទីតាំងស្ថិតនៅភូមិ-សង្កាត់-ក្រុងតាខ្មៅ ខេត្តកណ្ដាល នាព្រលប់ថ្ងៃទី៤ ខែកក្កដា ឆ្នាំ២០២១ ក្រោមការបញ្ជាដោយផ្ទាល់ ពីលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្ដាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោស្នងការបានបញ្ជាក់ឲ្យដឹងថា ,ហាងយីហោ(គោលដៅចាស់) បានលួចបើកឲ្យភ្ញៀវចូលផឹកស៊ី បំពានទៅនឹងវិធានរដ្ឋបាល ស្របពេលដែលសមត្ថកិច្ច អាជ្ញាធរ ក្រុមគ្រូពេទ្យ មន្ត្រីសុខាភិបាលកំពុងរឹតបន្តឹងទប់ស្កាត់ ការរីករាលដាលនៃជំងឺកូវីដ-១៩។ លោកស្នងការបន្តថា, ខ្ញុំបានឲ្យកម្លាំងចុះបិទខ្ទប់ មិនអនុញ្ញាតឲ្យភ្ញៀវដែលបានចូលទៅក្នុងហាងនោះ ហ្នឹងម្ចាស់ទីតាំងចេញក្រៅឡើយ គឺស្នើឲ្យខាងមន្ត្រីសុខាភិបាល ចុះពិនិត្យយកសំណាក រួចនិងចាត់ការបន្តតាមនីតិវិធី ដើម្បីនាំខ្លួនមកធ្វើការសាកសួរ។

មកទល់នឹងម៉ោង៧និង៤២នាទីយប់ថ្ងៃទី៤ ខែសីហា ឆ្នាំ២០២១ កម្លាំងសមត្ថកិច្ចកំពុងតែធ្វើការឡោមព័ទ្ធបិទខ្ទប់នៅឡើយទេ ដោយរង់ចាំខាងមន្ត្រីសុខាភិបាលដើម្បីចុះមកយកសំណាក។

សមត្ថកិច្ចបញ្ជាក់ថា ក្នុងប្រតិបត្តិការ នោះសមត្ថកិច្ចបានឃាត់ខ្លួនមនុស្សប្រុសស្រី១៤នាក់ ក្នុងនោះស្រី៣នាក់ ក្រោយពីយកសំណាកនាក់ទាំងអស់នោះពុំមានរកឃើញជំងឺកូវីដ១៩នោះទេ រួចនាំខ្លួនយកទៅធ្វើការសាកសួរបន្ត៕

ដោយ ៖ សុខា