ព័ត៌មានអន្ដរជាតិ

ត្រឹម៦ថ្ងៃ ចិនតេស្តពលរដ្ឋទាំងអស់ទីក្រុងអ៊ូហាន រកឃើញឆ្លងកូវីដ៧៨នាក់

បានផុស

៥ years មុន

នៅ

ថ្ងៃចន្ទ ៩ សីហា ២០២១

ដោយ

ទីក្រុងអ៊ូហាន ប្រទេសចិនបានធ្វើតេស្តពលរដ្ឋរបស់ខ្លួនទាំងអស់លើកលែងតែកុមារអាយុក្រោម៦ឆ្នាំ និងអ្នកដែលបានចាក់វ៉ាក់សាំងប៉ុណ្ណោះនៅក្នុងការប្រឹងប្រែងដើម្បីស្វែងរកអ្នកឆ្លងកូវីដ-១៩។

ការធ្វើតេស្តទូទាំងក្រុងរបស់ខេត្ត Hebei នេះបានចាប់ផ្តើមកាលពីថ្ងៃអង្គារ៍សប្តាហ៍មុន បន្ទាប់ពីអាជ្ញាធរបានរកឃើញករណីឆ្លងក្នុងស្រុកមួយចំនួនដែលជាសញ្ញាកូវីដ-១៩លើកដំបូងត្រូវបានរកឃើញចាប់តាំងពីខែមិថុនា ឆ្នាំ២០២០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Li Tao អគ្គលេខាធិការរងនៃសាលាក្រុងអ៊ូហានបានប្រកាសកាលពីថ្ងៃអាទិត្យថា បុគ្គលិកសុខាភិបាលចំនួន២៨០០០នាក់បានធ្វើចល័តដើម្បីតេស្តប្រជាជនចំនួន១១.២៨លាននាក់តាមទីទាំងជាង២៨០០កន្លែងដែលត្រូវបានតម្លើង និងបញ្ចប់រួចរាល់នៅថ្ងៃសៅរ៍កាលពីចុងសប្តាហ៍កន្លងទៅ។

តាមការផ្សាយរបស់ Xinhua ថា អាជ្ញាធរបានឲ្យដឹងថា សម្រាប់ការធ្វើតេស្តទ្រង់ទ្រាយធំទូទាំងទីក្រុងនេះរកឃើញអ្នកឆ្លង៧៨នាក់ ក្នុងនោះមាន៤១នាក់ជាអ្នកឆ្លងដែលគ្មានរោគសញ្ញា។ ទោះបីជាយ៉ាងណា ភាគច្រើននៃអ្នកឆ្លងទាំងនេះស្ថិតក្នុងចំណោមអ្នកដែលបានធ្វើចត្តាឡីស័ក។ មានតែ៩នាក់ប៉ុណ្ណោះដែលរកឃើញឆ្លងក្នុងចំណោមប្រជាជនទូទៅដែលមិនបានធ្វើចត្តាឡីស័ក។

អាជ្ញាធរចិនបានរាយការណ៍ពីករណីឆ្លងទូទាំងប្រទេសចំនួន១២៥នាក់កាលពីថ្ងៃទី៨ ខែសីហា ដែលជាករណីឆ្លងចង្កោមបង្កឡើងដោយវីរុសបំប្លែងខ្លួន Delta។ រហូតដល់ពេលនេះ ចិនមានករណីឆ្លងសរុបចំនួន ៩៣ ៨២៦នាក់ និងស្លាប់៤៦៣៦នាក់៕

ប្រែសម្រួល៖ វីរបុត្រ
ប្រភព៖ Xinhua