ព័ត៌មានជាតិ
ក្រសួងការពារជាតិ ចាប់ផ្តើមចាក់វ៉ាក់សាំងកូវីដ ដូសទី៣ជូនយោធិនចាប់ពីថ្ងៃទី៩សីហានេះតទៅ
ក្រសួងការពារជាតិបានចាប់ផ្តើមចាក់វាក់សាំងកូវិដ១៩ ដូសជម្រុញ ឬដូសទី៣ ជូនយោធិន និងប្រពន្ធ ឬប្តីចាប់ពីថ្ងៃទី០៩ ខែសីហា ឆ្នាំ២០២១នេះតទៅ នៅតាមទីតាំងដែលបានកំណត់។
យោងតាមសេចក្តីជូនដំណឹងចុះថ្ងៃទី៩ ខែសីហានេះថា ក្រុមការងារសម្របសម្រួលចាក់វ៉ាក់សាំងកូវីដ១៩ ដូសជម្រុញ ឬដូសទី៣ជូនយោធិន និងប្រពន្ធ ឬប្តីអនុគណៈកម្មការចំពោះកិច្ចចាក់វ៉ាក់សាំងកូវីដ-១៩ ក្រសួងការពារជាតិបានឱ្យដឹងថា ក្នុងនោះកងឯកភាពដែលត្រូវចាក់នៅតាមមន្ទីរពេទ្យព្រះកេតុមាលា មានចាប់ពីថ្ងៃទី៩ ដល់ថ្ងៃទី១៨ ខែសីហា រួមមាន៖ មន្ទីរពេទ្យព្រះកេតុមាលា,អគ្គលេខាធិការដ្ឋានក្រសួងការពារជាតិ, អគ្គនាយកដ្ឋានស្រាវជ្រាវចារកិច្ច,អគ្គនាយកដ្ឋាននយោបាយ និងកិច្ចការបរទេស, សាកលវិទ្យាល័យការពារជាតិ,អគ្គនាយកដ្ឋានយោធសេវា, មជ្ឈមណ្ឌលកីឡាកងយោធពលខេមរភូមិន្ទ។
ចំពោះកងឯកភាពដែលត្រូវចាក់ពីថ្ងៃទី៩ ដល់១០ ខែសីហា ឆ្នាំ២០២១ តាមទីតាំងកំណត់ដូចជា៖ នៅវិទ្យាស្ថានវិទ្យាសាស្ត្រសុខាភិបាលនៃកងយោធនពលខេមរភូមិន្ទ រួមមាន៖ អគ្គនាយកដ្ឋានសម្ភារបច្ចេកទេស,វិទ្យាស្ថានវិទ្យាសាស្ត្រសុខាភិបាល នៃកងយោធនពលខេមរភូមិន្ទ,ស្ថាប័នតុលាការយោធា, ស្ថាប័នអយ្យការយោធា, នាយកដ្ឋានអភិវឌ្ឍន៍ និងកងពលតូចដឹកជញ្ជូនលេខ៩៩។
កងឯកភាពដែលត្រូវចាក់នៅសាលាបឋមសិក្សានាគវ័ន្ត រួមមាន៖ នាយកដ្ឋានសុខាភិបាល, នាយកដ្ឋានបុគ្គលិក, នាយកដ្ឋាននីតិកម្ម,នាយកដ្ឋានអធិការកិច្ច, នាយកដ្ឋានសវនកម្មផ្ទៃក្នុង, នាយកដ្ឋានភូមិសាស្ត្រ,អគ្គនាយកដ្ឋានស្តុភារហិរញ្ញវត្ថុ, អគ្គនាយកដ្ឋានអាជ្ញាធរជាតិអាវុធគីមី នាយកដ្ឋានប្រេងឥន្ធនៈ,នាយកដ្ឋានផ្គត់ផ្គង់, នាយកដ្ឋានហិរញ្ញវត្ថុ,នាយកដ្ឋានបញ្ជូនសារ និងនាយកដ្ឋានវិស្វកម្ម។
កងឯកភាពដែលត្រូវចាក់នៅវិទ្យាស្ថានបច្ចេកទេសយោធាតេជោហ៊ុនសែន រួមមាន៖ វិទ្យាស្ថានបច្ចេកទេសយោធាតេជោហ៊ុនសែន,មជ្ឈមណ្ឌលហ្វឹកហ្វឺនជួសជុលបញ្ជូនសារនៃនាយកដ្ឋានបញ្ជូនសារ។ ចំណែកកងឯកភាពចំណុះមជ្ឈមណ្ឌលជាតិគ្រប់គ្រងកម្លាំងរក្សាសន្តិសុខ បោសសម្អាតមីននិងកាកសំណល់សង្គ្រាម គឺត្រូវចាក់នៅ ចាក់នៅទីនោះផ្ទាល់។
ក្រសួងការពារជាតិបានប្រធានស្ថាប័នអង្គភាព ត្រូវផ្សព្វផ្សាយជូនដល់យោធិន និងប្រពន្ធ ឬប្ដី ស្ថិតក្រោមអង្គភាពខ្លួនឱ្យទៅចាក់វ៉ាក់សាំងបានទាន់ពេលវេលាដោយត្រូវយកភ្ជាប់ជាមួយនូវអត្តសញ្ញាណប័ណ្ណកងយោធពលខេមរភូមិន្ទ ប័ណ្ណចាក់វ៉ាក់សាំង២ដង ឬទម្រង់ចាក់វ៉ាក់សាំងរួច២ដង និងអត្តសញ្ញាណប័ណ្ណសញ្ជាតិខ្មែរ។
ចំពោះ ប្រធានស្ថាប័នអង្គភាព ត្រូវចាត់អនុប្រធាន ១រូប និងនាយការិយាល័យបុគ្គលិក ដើម្បីដឹកនាំ កងអង្គភាពរបស់ខ្លួនមកចាក់វ៉ាក់សាំងកូវិដ-១៩ ដោយភ្ជាប់មកជាមួយនូវបញ្ជីគ្រប់គ្រងស្ថិតិយោធិន និងប្រពន្ធ ឬប្តីតាមកាលបរិច្ឆេទ និងទីកន្លែង ដែលបានកំណត់។
គួរបញ្ជាក់ថា បច្ចុប្បន្ននេះរដ្ឋាភិបាលបាននឹងកំពុងដំណើរការចាក់វ៉ាក់សាំងអាស្ត្រាហ្សេនីកាដែលជាដូសជម្រុញឬសទី៣សម្រាប់អ្នកដែលបានចាក់វ៉ាក់សាំងស៊ីណូហ្វាម ឬស៊ីណូវ៉ាក់ជូនដល់ក្រុមគ្រូពេទ្យជួរ មុខទាំងរដ្ឋ និងឯកជនដល់មន្ត្រីរាជការនៅខេត្តមន្ត្រីជាប់កិច្ចសន្យា កងទ័ពគ្រួសារកងទ័ព នគរបាលនិងអតីតយុទ្ធជននៅខេត្តចំនួន៧ជាប់ព្រំដែនរួមមានខេត្តបាត់ដំបង បន្ទាយមានជ័យប៉ៃលិន កោះកុង ឧត្តរមានជ័យ ពោធិ៍សាត់និងខេត្តព្រះវិហាររៀបចំចាក់វ៉ាក់សាំងចាប់ពីថ្ងៃទី០៨ខែសីហា ឆ្នាំ២០២១ តទៅ៕
អត្ថបទ ៖ សំអឿន
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ