អ្នកចាក់វ៉ាក់សាំងកូវីដ១៩​ដូស​ទី៣ ចាំ​បាច់​មានលក្ខណ្ឌ និងឯកសារអ្វីខ្លះ?

គណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានផ្ដល់​ការចាក់​វ៉ាក់​សាំង​កូវីដ​១៩ (អាស្ត្រាហ្សេនីកា) ដូសជំរុញ ឬដូសទី៣ ដល់ក្រុមគ្រូពេទ្យជួរមុខ និងមន្ត្រី​ស៊ីវិល​ថ្នាក់​ជាតិ និងថ្នាក់ក្រោមជាតិនៅតាមរាជធានី-ខេត្ត ព្រមទាំងគ្រួសាងកងទ័ព នគរបាលផងដែរ។

លក្ខណ្ឌក្នុងការចាក់វ៉ាក់សាំងដូសទី ៣

អ្នកដែលអាចចាក់វ៉ាក់សាំងដូសជំរុញ ឬដូសទី៣ ដោយប្រើវ៉ាក់សាំង អាស្ត្រាហ្សេនីកាត្រូវគោរព​ទៅ​តាមលក្ខណ្ឌ៖

• ជាអ្នកដែលបានចាក់វ៉ាក់សាំង Sinopharm ឬ Sinovac គ្រប់ទាំងពីរដូសរួចរាល់ មានគម្លាត រយៈពេល ៦-៨ ខែ គិតចាប់ពីចាក់ដូសទី១។

• ចំពោះអ្នកដែលបានចាក់វ៉ាក់សាំង អាស្ត្រាហ្សេនីកា ពុំទាន់មានការណែនាំ​ណាមួយ​ក្នុង​ការ​ចាក់​វ៉ាក់សាំងដូសជំរុញ ឬដូសទី៣ នៅឡើយទេ គ.វ.ក-១៩ នឹងជូនដំណឹង​នៅពេល​ក្រោយ។

ឯកសារត្រូភ្ជាប់នៅពេលទៅចាក់វ៉ាក់សាំងដូសទី៣

ចំពោះគ្រូពេទ្យជួរមុខ និងមន្ត្រីរាជការស៊ីវិល និងអាជ្ញាធរមូលដ្ឋាននានា៖

• ប័ណ្ណចាក់វ៉ាក់សាំងកូវីដ១៩
• ប័ណ្ណសម្គាល់ខ្លួនមន្ត្រីរាជការ ឬប័ណ្ណសម្គាល់មន្ត្រីជាប់កិច្ចសន្យា
• អត្តសញ្ញាណប័ណ្ណសញ្ជាតិខ្មែរ ឬឯកសារដែលប្រើប្រាស់ក្នុងការចុះឈ្មោះកាលពីចាក់វ៉ាក់សាំងដូសទី១៕