នគរបាលស្រុកបាទីល្បាតឃាត់ខ្លួនជនសង្ស័យ១នាក់ដកហូតគ្រឿងញៀនជិត៣០កញ្ចប់

តាកែវ៖ នគរបាលនៃអធិការដ្ឋាននគរបាលស្រុកបាទី ល្បាតនៅក្នុងមូលដ្ឋានចាប់ឃាត់ខ្លួនជនសង្ស័យ ១នាក់ដកហូតវត្ថុតាងគ្រឿងញៀនប្រមាណជិត ៣០កញ្ចប់។

សមត្ថកិច្ចនគរបាលស្រុកបាទី បានប្រាប់ឱ្យដឹងថា ដោយអនុវត្តតាមបទបញ្ជាយ៉ាងម៉ឺងម៉ាត់ពីលោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ កាលពីថ្ងៃទី១៦ ខែសីហា ឆ្នាំ២០២១ វេលាម៉ោង១៥ និង ១០នាទី លោកវរសេនីយ៍ឯក ឆាយ កែមុន្នី អធិការនគរបាលស្រុកបាទី បានដឹកនាំកម្លាំងជំនាញផ្នែកគ្រឿងញៀនចេញល្បាតនៅក្នុងភូមិសាស្រ្តសំខាន់ៗ លុះមកដល់ចំណុចភូមិទន្លេបាទី ឃុំក្រាំងធ្នង់ ស្រុកបាទី ខេត្តតាកែវ​ បានប្រទះឃើញជនសង្ស័យ ០១នាក់ ក៏បានឆែកឆេររកឃើញ ក្រាមពណ៌ស ២៩កញ្ចប់ សង្ស័យសារធាតុញៀនខុសច្បាប់។

ជនសង្ស័យឈ្មោះ ស្វាយ ភារម្យ ភេទប្រុស អាយុ៣៧ឆ្នាំ មុខរបរមិនពិតប្រាកដ ស្នាក់នៅភូមិទន្លេបាទី ឃុំក្រាំងធ្នង់ ស្រុកបាទី ខេត្តតាកែវ​។ វត្ថុតាងរួមមាន ក្រាមពណ៌ស ២៩កញ្ចប់ (តូច ០៧កញ្ចប់ ធំ ២២កញ្ចប់) និងទូរស័ព្ទដៃ ០១គ្រឿង។

បច្ចុប្បន្នកម្លាំងជំនាញប្រឆាំងគ្រឿងញៀននគរបាលស្រុកបាទី កំពុងធ្វើការសាកសួរ និងកសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី៕

រ៉ាវុទ្ធ