ព័ត៌មានជាតិ

រដ្ឋមន្ត្រីក្រសួងសេដ្ឋកិច្ច៖ជំនួយហិរញ្ញវត្ថុរបស់អូស្ត្រាលីរួមចំណែកយ៉ាងសំខាន់ក្នុងការស្តារសេដ្ឋកិច្ចកម្ពុជាឡើងវិញ

បានផុស

៥ years មុន

នៅ

ថ្ងៃពុធ ១៨ សីហា ២០២១

ដោយ

លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងជាប្រធានឧត្តមក្រុមប្រឹក្សាសេដ្ឋកិច្ចជាតិ បានលើកឡើងថា ជំនួយហិរញ្ញវត្ថុ និងបច្ចេកទេសរបស់រដ្ឋាភិបាលអូស្ត្រាលី គឺមានលក្ខណៈស្របគ្នាទៅនឹងអាទិភាពគោលនយោបាយរបស់រដ្ឋាភិបាលក្នុងបរិបទនៃការរីករាលដាលជំងឺកូវីដ១៩ដែលនឹងរួមចំណែកយ៉ាងសំខាន់ជាមួយរាជរដ្ឋាភិបាលកម្ពុជាក្នុងអនុវត្តផែនការស្តារសេដ្ឋកិច្ចឡើងវិញក្រោយវិបត្តិជំងឺកូរី ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអគ្គបណ្ឌិតសភាចារ្យ អូន ព័ន្ធមុនីរ័ត្ន បានលើកឡើងបែបនេះនៅព្រឹកថ្ងៃទី១៨ ខែសីហា ឆ្នាំ២០២១ខណៈអនុញ្ញាតឱ្យ លោក PABLO KANGឯកអគ្គរាជទូតនៃប្រទេសអូស្ដ្រាលី ប្រចាំព្រះរាជាណាចក្រកម្ពុជា ជួបពិភាក្សាការងារតាមប្រព័ន្ធ Video Conference។

ក្នុងឱកាសនោះលោក PAELO KANG ឯកអគ្គរាជទូតអូស្ត្រាលីបានជម្រាបជូន លោកអគ្គបណ្ឌិតសភាចារ្យ ឧបនាយករដ្ឋមន្ត្រីនូវវឌ្ឍនភាពនៃគម្រោងនានាដែលទទួលបានការគាំទ្រដោយរដ្ឋាភិបាលអូស្ត្រាលីដូចជា គំនិតដូច ផ្ដើមភាពជាដៃគូរមេគង្គ-អូស្ត្រាលី មជ្ឈមណ្ឌលមេគង្គអូស្ត្រាលីសម្រាប់ទឹក និង ប្រព័ន្ធពារាសាស្ត្រ, ភាពជាដៃគូសម្រាប់ហេដ្ឋារចនាសម្ព័ន្ធ និងការវិនិយោគកសិចំណីអាហារ។

ទន្ទឹមនេះ លោកអគ្គរាជទូត ក៏បានលើកឡើងនូវសំណើផ្តល់ការគាំទ្រដល់កម្ពុជាលើកិច្ចការមួយចំនួនទៀត ដូចជា ការសិក្សាបុរេសមិទ្ធិក្នុងការបង្កើតសួនកសិ-ឧស្សាហកម្ម, កម្មវិធីពន្លកចំណេះ និងការគាំទ្រដល់កម្ពុជាក្នុងការធ្វើប្រធាននៃកិច្ចប្រជុំកំពូលអាស៊ាននាពេលខាងមុខ ។

បន្ថែមពីនេះ លោកអគ្គរាជទូត ក៏ បានជម្រាបជូន លោកអគ្គបណ្ឌិតសភាចារ្យឧបនាយករដ្ឋមន្ត្រី អំពីកម្មវិធីអភិវឌ្ឍន៍ក្នុងរយៈពេល៥ឆ្នាំបន្ទាប់ ដែលមានថវិកាគាំទ្រប្រមាណ ៩០ លានដុល្លាអូស្ត្រាលី និង អាទិភាពសំខាន់ៗដែលនឹងផ្តោតសម្រាប់កម្មវិធីជំហានបន្ទាប់នេះ ។

ឆ្លើយតបទៅនឹងការលើកឡើងរបស់ លោកអគ្គរាជទូតលោកមអគ្គបណ្ឌិតសភាចារ្យ ឧបនាយករដ្ឋមន្ត្រី បានធ្វើការវាយតម្លៃខ្ពស់ និងថ្លែងអំណរគុណចំពោះរដ្ឋាភិបាលអូស្ត្រាដែលបានផ្តល់ការគាំទ្រហិរញ្ញវត្ថុ និងជំនួយបច្ចេកទេសប្រកបដោយប្រសិទ្ធិភាពខ្ពស់ កន្លងមក ។

លោកអគ្គបណ្ឌិតសភាចារ្យ ឧបនាយករដ្ឋមន្ត្រី ក៏បានសំដែងនូវសេចក្តី រីករាយនិងការគាំទ្រចំពោះសំណើបន្តផ្តល់ជំនួយហិរញ្ញវត្ថុ និង បច្ចេកទេសបន្ថែមដល់កម្ពុជានិង កម្មវិធីអភិវឌ្ឍន៍ក្នុង ជំហានបន្ទាប់របស់រដ្ឋាភិបាលអូស្ត្រាលី ផងដែរ ។

ជាមួយគ្នានេះដែរលោកអគ្គបណ្ឌិតសភាចារ្យ ឧបនាយករដ្ឋមន្ត្រី បានមានប្រសាសន៍ថា អាទិភាពចំពោះរបស់រដ្ឋាភិបាល គឺប្រយុទ្ធប្រឆាំងនឹងការរីកពលជាលជំងឺភូជៈ១៩ និង ការកសាង សមត្ថភាពកម្ពុជាដើម្បីអាចរស់នៅជាមួយជំងឺកូវីដ១៩ ១៩ ក្នុងរយៈពេលមធ្យម និងវែងហើយអំឡុងពេលនេះរាជរដ្ឋាភិបាលកំពុងរៀបចំផែនការស្ដារសេដ្ឋកិច្ចឡើងវិញក្រោយវិបត្តិកូវីដ-១៩ដោយផ្តោតលើគោលការណ៍គន្លឹះចំនួនបីគឺ ការងើបឡើងវិញកំណែទម្រង់ និងភាពធន់ ដែលផ្តោតលើការគាំទ្រវិស័យអាទិភាពជាច្រើនជាពិសេសវិស័យដែលរងផលប៉ះ ពាល់ខ្លាំងដោយវិបត្តិជំងឺកូវីន-១៩។

លោកអគ្គបណ្ឌិតសភាចារ្យបានបញ្ជាក់ថា« ក្នុងន័យនេះ ជំនួយហិរញ្ញវត្ថុ និងបច្ចេកទេសរបស់រដ្ឋាភិបាលអូស្ត្រាលី គឺមានលក្ខណៈស្របគ្នាទៅនឹងអាទិភាពគោលនយោបាយរបស់រដ្ឋាភិបាលក្នុងបរិបទនៃការរីករាលដាលជំងឺកូរវីដ១៩ដែលនឹងរួម ចំណែកយ៉ាងសំខាន់ជាមួយរាជរដ្ឋាភិបាលកម្ពុជាក្នុងអនុវត្តផែនការស្តារសេដ្ឋកិច្ចឡើងវិញក្រោយវិបត្តិជំងឺកូរី ១៩»។

ទន្ទឹមនោះ, លោកអគ្គបណ្ឌិតសភាពារ្យ ឧបនាយករដ្ឋមន្ត្រីក៏បានផ្ដល់យោបល់ជូន អគ្គរាជទូត ធ្វើការពិភាក្សា បន្ថែមជាមួយក្រសួង-ស្ថាប័នពាក់ព័ន្ធ និង ដៃគូអភិវឌ្ឍន៍នានាដើម្បីធ្វើយ៉ាងណាឱ្យគម្រោងអភិវឌ្ឍន៍ទាំងនោះមានលក្ខណៈបំពេញបន្ថែមឱ្យគ្នាទៅវិញទៅមក និង មានភាពប្រទាក់ក្រឡាគ្នា ។

គួរបញ្ជាក់ថា នៅក្នុងជំនួបនោះក៏មានការចុះហត្ថលេខាលើអនុស្សរណៈនៃការយោគយល់គ្នាគម្រោងនៃការសិក្សាបុរេសមិទ្ធិនៃការបង្កើតសួនកសិ-ឧស្សាហកម្មរវាងតំណាងឧត្តមក្រុមប្រឹក្សាសេដ្ឋ កិច្ចជាតិ និង

តំណាងកម្មវិធីខ្សែសង្វាក់តម្លៃកសិកម្មកម្ពុជា៕

អត្ថបទ ៖ សំអឿន

Related Topics: