មេបញ្ជាការតំបន់ប្រតិបត្តិការ​សឹក​រងកំពង់ឆ្នាំង ចុះត្រួតពិនិត្យការចាក់វ៉ាក់សាំង​ដូសទី៣

លោកឧត្តមសេនីយ៍ត្រី អ៊ុសុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង និងសហការី នៅថ្ងៃទី ១៩ ខែសីហានេះ បានចុះត្រួតពិនិត្យការចាក់វ៉ាក់សាំងការពារកូវីដ១៩ ដូសទី ៣ ដែលជាដូសជំរុញ ប្រភេទ Astra ZeneCa ជូនដល់អតីតយុទ្ធជន នៅតាមមណ្ឌលសុខភាពទាំង១២ក្នុងខេត្តកំពង់ឆ្នាំង។

មេបញ្ជាការបានឲ្យដឹងថា ការចាក់វ៉ាក់សាំងកូវិដ១៩ ដូសទី៣ រយះពេល២ថ្ងៃនេះនៅតាមមណ្ឌលសុខភាពទាំង១២ក្នុងខេត្តកំពង់ឆ្នាំងជូនដល់អតីតយុទ្ធជនជាលទ្ធផលសរុបបាន ចំនួន ១០២៦ នាក់ ក្នុងនោះមាន ស្រី១៨២នាក់។

មេបញ្ជាការបានបន្តថា ការចាក់វ៉ាក់សាំងកូវី១៩ ដូសទី៣ នៅពេលនេះគឺជាការយកចិត្តទុកដាក់ខ្ពស់របស់ប្រមុខរាជរដ្ឋាភិបាល សម្ដេចអគ្គមហាសេនាបតីតេជោហ៊ុនសែនជានាយករដ្ឋមន្ត្រី និងជាប្រធានស មាគមអតីតយុទ្ធជនកម្ពុជា ដែលសម្តេច តែងតែគិតគូរពីសុខទុក្ខបងប្អូនអតីតយុទ្ធជនជានិច្ចដែលមានគុណបំណាច់ចំពោះជាតិមាតុ ភូមិ ដើម្បីឱ្យបងប្អូនបងប្អូនមានសុខភាពល្អ រស់នៅជួបជុំគ្រួសារទប់ស្កាត់បានការចម្លងរាលដាលជំងឺកូវីដ១៩ និងជំងឺបំផ្លែងថ្មី។

លោកមេបញ្ជាការក៏បានធ្វើការអំ ពាវនាវដល់បងប្អូនអតីតយុទ្ធជនទាំងអស់ បន្តចូលរួមអនុវត្តវិធានការរបស់ប្រមុខរាជរដ្ឋាភិបាល ក៏ដូចជាក្រសួងសុខាភិបាលឲ្យបានខ្ជាប់ខ្ជួននូវវិធានការ ៣កុំ និង៣ ការពារដើ ម្បីរួមគ្នា កាត់ផ្តាច់ការចម្លងជំងឺកូវីដ១៩ ចូលក្នុងសហគមន៍។

ក្នុងឧិកាសនោះដែរ លោកមេបញ្ជា ការតំបន់ប្រតិបត្តិការសឹករងកំពង់ ឆ្នាំង ក៏បានផ្ដល់សម្ភារៈរួមនិងថវិកាមួយចំនួន លើកទឹកចិត្តដល់ក្រុមគ្រូពេទ្យនៅតាមមណ្ឌលសុខភាពទាំង ១២នៅក្នុងខេត្តកំពង់ឆ្នាំងផងដែរ៕

ដោយ៖ ឈៀង ថារិទ្ធ