តម្លៃសម្លៀកបំពាក់បិទជិតរាងកាយនៅ អាហ្វហ្គានីស្ថាន ឡើងកប់ក្ដោង ខណៈស្រីៗសម្រុកទៅទិញស្លៀកការពារពី ក្រុមតាលីបង់

ស្ត្រីបានចាប់ផ្តើមសម្រុកទិញសម្លៀកបំពាក់បិទជិតរាងកាយដោយពួកគេភ័យខ្លាចថា ដូចស្ថិតនៅក្រោមការគ្រប់គ្រងរបស់តាលីបង់ក្នុងទសវត្សរ៍ឆ្នាំ ១៩៩០ ។

ពួកគេនឹងត្រូវគេតាមប្រមាញ់ និងវាយដុំដោយពួកសកម្មប្រយុទ្ធនៅគ្រប់ទីកន្លែង គ្រប់ពេលស្ត្រីទាំងនោះមិនត្រូវបានគេឃើញពាក់ឈុត Hijab ឬ Burqas ។ ទោះយ៉ាងណាក៏ដោយមិនមានឧប្បត្តិហេតុបែបនេះត្រូវបានគេរាយការណ៍នៅឡើយទេ ដោយហេតុថា ស្ត្រី ៧០ ភាគរយនៅផ្សារទីក្រុងកាប៊ុលនៅតែមិនពាក់វា ។

បន្ទាប់ពីការប្រកាសនៅដើមសប្តាហ៍នេះ តម្លៃសម្លៀកបំពាក់ទាំងនេះបានកើនឡើងពី ៩០០ អាហ្វហ្គានី (១០.៥ ដុល្លារ) ដល់ ១៥០០ អាហ្វហ្គានី (១៨.៥ ដុល្លារ) ។

ទន្ទឹមនោះ ស្ត្រីម្នាក់អាយុប្រហែល ៥០ ឆ្នាំបានប្រាប់ Sputnik ថា “នាងបានទៅផ្សារ Ahmad Shah Baba Mena Bazaar ក្នុងទីក្រុងកាប៊ុលដើម្បីរកទិញឈុត Burqas ហើយខ្ញុំបានចេញមកថ្ងៃនេះដើម្បីទិញឈុត  Hijab ឬ Chador សម្រាប់កូនស្រីខ្ញុំ ២ នាក់ទៀត” ។

ស្របពេលជាមួយគ្នានេះ ក្រុមតាលីបង់បាននិយាយម្តងហើយម្តងទៀតថា ពួកគេនឹងមិនបង្ខំស្ត្រីឲ្យពាក់ក្រណាត់បិទមុខនោះទេ ប៉ុន្តែបានកត់សម្គាល់ថា ស្ត្រីត្រូវការធ្វើសកម្មភាពស្របតាមច្បាប់ Sharia នៅពេលចេញទៅខាងក្រៅ ។

គួរបញ្ជាក់ថា ចាប់តាំងពីក្រុមសកម្មប្រយុទ្ធឡើងកាន់អំណាចមក ស្ត្រីអាហ្វហ្គានីស្ថានបានធ្វើបាតុកម្មតាមផ្លូវជាច្រើនដង ក្នុងគោលបំណងការពារសិទ្ធិទទួលបានការអប់រំ ការងារ និងសេរីភាពនៃការនិយាយរបស់ពួកគេ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប៉ូលិសស្រីមានផ្ទៃពោះ៨ខែ ត្រូវ ក្រុមតាលីបង់ ប្រហារជីវិតដល់ផ្ទះ នៅចំពោះមុខស្វាមី និងកូនៗ