ព័ត៌មានជាតិ

ពលករខ្មែរ ៤៨នាក់ បម្រុងឆ្លងដែនទៅបេះផ្លែមៀន នៅខេត្តច័ន្ទបុរី ត្រូវទាហានថៃចាប់ខ្លួន

បានផុស

៥ years មុន

នៅ

ថ្ងៃព្រហស្បតិ៍ ៩ កញ្ញា ២០២១

ដោយ

ពលករខ្មែរ ចំនួន៤៨នាក់ ដែលបានបង់លុយឲ្យមេខ្យល់មុនអស់មួយចំនួន ដើម្បីបានឆ្លងដែនចូលទៅធ្វើការ នៅតាមចម្ការក្នុងទឹកដីថៃ ត្រូវទាហានថៃឃាត់ខ្លួន ខណៈដែលពួកគេខំប្រឹងលបឆ្លងដែន តាមច្រករបៀងតាំងពីយប់ងងឹត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួនពលករខ្មែរទាំង ៤៨ នាក់ នេះ គឺកម្លាំងទាហានឈុតខ្មៅ ក្នុងកងរយលេខ ៥៤១ និង ៥៤៦ ដែលជាកម្លាំងការពារព្រំដែន ខណៈដែលពលករខ្មែរទាំងអស់កំពុងធ្វើដំណើរនៅក្នុងចម្ការមៀន ស្ថិតក្នុងភូមិ៤ ឃុំក្លងយ៉ៃ ស្រុកពោងណាំរ៉ន ខេត្តច័ន្ទបុរី។

ពលករទាំង៤៨នាក់ គឺមានប្រុស១៨នាក់ ស្រី២៣នាក់ និងក្មេង៧នាក់ ដោយពួកគេបានសារភាពថា ការធ្វើដំណើរចូលមករកការងារធ្វើនេះ ត្រូវចំណាយឲ្យមេខ្យល់ក្នុងម្នាក់ ៤,៥០០ បាត ដោយគ្រាន់តែជូនដល់មាត់អូរព្រំដែនតែប៉ុណ្ណោះ តែត្រូវបង់ឲ្យគេមុនម្នាក់ ១,០០០ បាត ដោយក្នុងទិសដៅទៅបេះផ្លែមានតាមចម្ការក្នុងស្រុក ពោងណាំរ៉ន និងស្រុសយដាវ ក្នុងភូមិសាស្ត្រខេត្តច័ន្ទបុរី តែក៏ត្រូវចាប់ខ្លួនតែម្តង។

ក្នុងការឃាត់ខ្លួនពលករទាំងអស់ បានបង្ហាញនូវប័ណ្ណចាក់វ៉ាក់សាំង ការពារជំងឺកូវីសដ-១៩ គ្រប់ៗគ្នា ដោយភាគីថៃបានកោតសរសើរដល់កម្ពុជា ដែលចាក់វ៉ាក់សាំងដល់ពលរដ្ឋឥតគិតថ្លៃ។ នៅពេលនោះដែរភាគីថៃ បានប្រគល់ពលករទាំងអស់មកឲ្យភាគីកម្ពុជាវិញ ដើម្បីធ្វើចត្តាឡីស័កទៅតាមកម្រិត៕

អត្ថបទ៖ សោ និយមរ័ត្ន

Related Topics:ពលករខ្មែរ

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា