ព័ត៌មានអន្ដរជាតិ

កូវីដយូរចំពោះកុមារ និងក្មេងជំទង់មិនមានច្រើនដូចក្តីបារម្ភមុនៗ

បានផុស

៥ years មុន

នៅ

ថ្ងៃសុក្រ ១៧ កញ្ញា ២០២១

ដោយ

កុមារ និងមនុស្សវ័យជំទង់ដែលបានឆ្លងកូវីដ-១៩កម្រងមានរោគសញ្ញាធ្វើទុក្ខយូររហូតដល់ជាង១២សប្តាហ៍ណាស់។ នេះបើតាមការពិនិត្យឡើងវិញលើការស្រាវជ្រាវអន្តរជាតិ។

ការត្រួតពិនិត្យឡើងវិញដែលបានចេញផ្សាយនៅក្នុងទិនានុប្បវត្តិជំងឺឆ្លងកុមារ (PIDJ) បានលើកឡើងថា កូវីដយូរនៅក្នុងកុមារ និងមនុស្សវ័យជំទង់មិនសូវកើតមានច្រើនដូចការព្រួយបារម្ភដែលត្រូវបានលើកឡើងមុនៗទេ។

ការត្រួតពិនិត្យឡើងវិញបានវិភាគទៅលើការសិក្សាអន្តរជាតិចំនួន១៤ពាក់ព័ន្ធនឹងកុមារ និងមនុស្សវ័យជំទង់ ចំនួន១៩៤២៦នាក់ដែលត្រូវបានរាយការណ៍ពីកើតមានរោគសញ្ញាធ្វើទុក្ខយូរ បន្ទាប់ពីឆ្លងកូវីដ-១៩។

ការសិក្សាដែលមានសហដឹកនាំដោយ លោកស្ត្រាចារ្យ Nigel Curtis អ្នកឯកទេសជំងឺឆ្លងកុមារនៅវិទ្យាស្ថានស្រាវជ្រាវកុមារ Murdoch មានប្រសាសន៍ថា ការសិក្សាត្រូវបានធ្វើជាច្រើនបន្ថែមទៀតដើម្បីកំណត់ឲ្យពិតប្រាកដពីហានិភ័យនៃកូវីដយូរនៅក្នុងមនុស្សវ័យក្មេង ជាពិសេសដើម្បីជម្រាបអំពីការសម្រេចចិត្តអំពីការចាក់វ៉ាក់សាំងដល់កុមារអាយុក្រោម១២ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានលើកឡើងថា ៖«នៅពេលយើងកំពុងធ្វើឲ្យមានតុល្យភាពពីអត្ថប្រយោជន៍ និងហានិភ័យនៃការចាក់វ៉ាក់សាំង យើងចង់ធ្វើឲ្យប្រាកដច្បាស់ពីផលប៉ះពាល់នៃជំងឺកូវីដគ្រោះថ្នាក់ធ្ងន់ធ្ងរជាងវ៉ាក់សាំងខ្លាំងណាស់។ ពីព្រោះហានិភ័យនៃកូវីដនៅក្នុងកុមារទាប ដូច្នេះកូវីដយូរបានក្លាយជាកត្តាចាំបាច់»។

«តាមពិត យើងមិនមានការកំណត់ត្រឹមត្រូវអំពីហានិភ័យនៃកូវីដយូរទេ តែទំនងដូចជាមានតិចជាងច្រើន»។ លោកបានបញ្ជាក់។

កូវីដយូរគឺជារោគសញ្ញាមួយដែលមានអាការជាង២០០ប្រភេទដែលត្រូវបានកត់ត្រាទុក ប៉ុន្តែជាលក្ខខណ្ឌថ្មីមួយដែលមិនទាន់មាននិយ័មន័យគ្លីនិកសាស្ត្រស្តង់ដារឡើយសម្រាប់រោគវិនិច្ឆ័យ រួមទាំងរយៈពេលរោគសញ្ញាស្ថិតនៅយូរកម្រិតណា។

លោក Curtis ក៏ជាសាស្ត្រាចារ្យនៅសាកលវិទ្យាល័យ Melbourne និងជាប្រធានផ្នែកជំងឺឆ្លងនៅមន្ទីរពេទ្យកុមារ Royal Children បានលើកឡើងថា ៖«ដោយសារគ្មានអ្វីដែលអាចវាស់ស្ទង់បាន និងមិនមានការធ្វើតេស្ត វាធ្វើឲ្យកាន់តែពិបាកខ្លាំងនៅពេលយើងកំពុងព្យាយាមញែកចេញពីរោគសញ្ញាដែលបណ្តាលមកពីបំរាមរឹតត្បិត ឬផលប៉ះពាល់នៃការឆ្លងដោយប្រយោល»។

អ្នកស្រាវជ្រាវបានទទួលស្គាល់ថា ការងារត្រូវការធ្វើបន្ថែមទៀតដើម្បីឲ្យប្រាកដច្បាស់ ខណៈការត្រួតពិនិត្យឡើងវិញរកឃើញថា ស្ទើរតែទាំងអស់នៃការសិក្សាដែលមានស្រាប់គឺមានកំណត់។

ក្នុងការត្រួតពិនិត្យឡើងវិញ រោគសញ្ញាកូវីដយូរ៥អាការដែលកើតមានច្រើនបំផុតនៅក្នុងកុមារ និងមនុស្សវ័យជំទង់គឺឈឺក្បាល អស់កម្លាំង រំខានដំណេក ពិបាកផ្តោតអារម្មណ៍ និងឈឺពោះ។

ប៉ុន្តែនៅក្នុងការសិក្សាដែលរាប់បញ្ចូលទាំងក្រុមត្រួតពិនិត្យ សមាមាត្រនៃមនុស្សដែលបានរាយការណ៍ពីរោគសញ្ញាបែបនេះគឺស្រដៀងគ្នាក្នុងចំណោមបុគ្គលម្នាក់ៗដែលត្រូវបានធ្វើរោគវិនិច្ឆ័យមានកូវីដ និងអ្នកមិនមានកូវីដ។ ភាគច្រើននៃការសិក្សាបង្ហាញថា រោគសញ្ញាធ្វើទុក្ខយូរមិនលើសពី១២សប្តាហ៍ឡើយ៕

ប្រែសម្រួល៖ វីរបុត្រ
ប្រភព៖ theguardian

Related Topics:កូវីដ-១៩ កុមារ

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា