បាត់ដំបង ចាប់ផ្តើមពិនិត្យប័ណ្ណចាក់វ៉ាក់សាំងជាផ្លូវការ មុនចូលក្នុងសាលាខេត្ត

រដ្ឋបាលខេត្តបាត់ដំបង បានចេញសេចក្តីជូនដំណឹងមួយដល់សាធារណជនទាំងអស់ឱ្យបានជ្រាបថា ចាប់ពីថ្ងៃចន្ទ ទី២០ ខែកញ្ញា ឆ្នាំ២០២១ នេះតទៅ រដ្ឋបាលខេត្តនឹងចាប់ផ្តើមអនុវត្តនូវវិធានការតឹងរឹងមួយ ដោយចាត់ឱ្យកម្លាំងសមត្ថកិច្ចដែលយាមនៅច្រកចូលខាងមុខ ពិនិត្យទៅលើប័ណ្ណចាក់វ៉ាក់សាំង ទើបអនុញ្ញាតឱ្យចូលក្នុងសាលាខេត្តបាន។

ដូច្នេះសូមសាធារណជន មន្ត្រីរាជការ កងកម្លាំងប្រដាប់អាវុធគ្រប់លំដាប់ថ្នាក់ មន្ទីរ អង្គភាពនានាជុំវិញខេត្ត អភិបាលក្រុង-ស្រុក និងប្រជាពលរដ្ឋទាំងអស់ ដែលត្រូវចូលទៅបំពេញការងារ ទំនាក់ទំនងការងារ ឬទៅទទួលសេវាក្នុងច្រកចេញ-ចូលតែមួយ ត្រូវបង្ហាញប័ណ្ណចាក់វ៉ាក់សាំង ដល់សមត្ថកិច្ចដែលនៅខាងមុខ។

សេចក្តីជូនដំណឹងនេះ សូមសាធារណជនមេត្តាជ្រាប និងចូលរួមអនុវត្តឱ្យបានខ្ជាប់ខ្ជួន នូវវិធានសុខាភិបាល ពិសេសគឺវិធាន ៣កុំ និង ៣ការពារ ដើម្បីការពារខ្លួនយើង ក្រុមគ្រួសារយើង និងសហគមន៍ គ្មានកូវីដ-១៩៕

អត្ថបទ៖ សោ និយមរ័ត្ន

ចុចអាន៖ រដ្ឋ​បាល​ខេត្ត​បញ្ជា​ឲ្យ​បិទ​ផ្សារ រលួស​បន្ទាប់ពី​ផ្ទុះ​ជំងឺ​កូ​វីដ១៩ខ្លាំង