ព័ត៌មានជាតិ
ថ្ងៃទី២៨នេះ វ៉ាក់សាំង ៣លានដូសទៀតនឹងមកដល់កម្ពុុជា សរុប ៣៥,៥ លានដូស
នៅក្នុងការអញ្ជើញទៅទទួល វ៉ាក់សាំងបង្ការជំងឺកូវីដ-១៩ ស៊ីណូវ៉ាក់ (Sinovac) ដែលបានដឹកមកដល់ប្រទេសកម្ពុជា នៅព្រឹកថ្ងៃសុក្រ ទី២៤ ខែកញ្ញា ឆ្នាំ២០២១នេះ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល បានប្រាប់ឱ្យដឹងថា ថ្ងៃនេះយើងបានទទួលវ៉ាក់សាំង៣លានដូសរបស់ក្រុមហ៊ុន ស៊ីណូវ៉ាក់ និងនៅថ្ងៃ២៨ នឹងមកដល់៣លានដូសទៀត ជាការបញ្ជាទិញបន្ថែម ដែលសម្ដេចតេជោ ប្រមុខរាជរដ្ឋាភិបាល លោកបានធ្វើការសម្រេច។
លោកស្រី យក់ សម្បត្តិ មានប្រសាសន៍បញ្ជាក់បន្តថា៖ “សរុបមកវ៉ាក់សាំងទាំងនៅថ្ងៃនេះ និងនៅថ្ងៃទី២៨ ទៀត វ៉ាក់សាំងទាំងអស់ គឺ ៣៥,៥ លានដូស ទាំងវ៉ាក់សាំងជំនួយ និងវ៉ាក់សាំងបញ្ជាទិញរបស់រាជរដ្ឋាភិបាលកម្ពុជា”។
មន្ត្រីជាន់ខ្ពស់នៃ ក្រសួងសុខាភិបាលរូបនេះ បានលើកឡើងថា វ៉ាក់សាំង ៣លានដូសទៀតដែលមកដល់កម្ពុជានៅថ្ងៃទី២៨ ខែកញ្ញានេះ ជាវ៉ាក់សាំងរបស់ក្រុមហ៊ុន ស៊ីណូវ៉ាក់ ដើម្បីយកចាក់សម្រាប់កុមារអាយុ៦ ដល់ក្រោម១២ឆ្នាំ និងដូសជំរុញ ដែលប្រមុខរដ្ឋាភិបាល លោកបានសម្រេចដាក់ចេញជាផ្លូវការ។
លោកស្រី យក់ សម្បត្តិ មានប្រសាសន៍បន្ថែមថា៖ “យើងនៅមានវ៉ាក់សាំងដែលជាជំនួយរបស់ប្រទេសចិន តាមការប្រកាសរបស់រដ្ឋាភិបាលចិន។ ដូចនេះនៅខែតុលា កម្ពុជានឹងទទួលវ៉ាក់សាំងជំនួយរបស់ប្រទេសចិនបន្ថែមទៀត។ អ៊ីចឹងយើងនឹងមានវ៉ាក់សាំងគ្រប់គ្រាន់សម្រាប់ចាក់ជូនប្រជាពលរដ្ឋទាំងកូនក្មេង និងមនុស្សចាស់ ដែលរាជរដ្ឋភិបាលបានកំណត់”។
គួរបញ្ជាក់ថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២៣ ខែកញ្ញា ឆ្នាំ២០២១ មាន ៩៨,៦២% ធៀបជាមួយចំនួនប្រជាជនគោលដៅ ១០លាននាក់ និងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៨៨,៧១% ធៀបជាមួយចំនួនប្រជាជនគោលដៅ ១,៩៦៦,៩៣១ នាក់ និងលើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ៦៤,១៤% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់៕
អត្ថបទ៖ ច័ន្ទ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)