សុខភាព

ធ្លាក់សរ៉ាំរ៉ៃមកពីមូលហេតុច្រើនយ៉ាង ស្រីៗប្រញាប់ព្យាបាលបើមិនចង់មានបញ្ហា

បានផុស

៥ years មុន

នៅ

ថ្ងៃអង្គារ ២៨ កញ្ញា ២០២១

ដោយ

ស្រីៗក្នុងវ័យបន្តពូជចៀសមិនផុតពីរឿងធ្លាក់សនោះទេ ដែលសធ្លាក់មកនេះមានតួនាទីផលិតទឹកអំបិល ធ្វើឲ្យទ្វារមាសមានសំណើម និងបាក់តេរីល្អ ការពារទ្វារមាសពីជំងឺ ឬបាក់តេរីអាក្រក់មួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធ្លាក់សធម្មជាតិ ជាការធ្លាក់សដែលតែងកើតមានអំឡុងមុន ឬក្រោយវដ្តរដូវរបស់ស្រីៗយើង។ វាមានសភាពរាវថ្លា គ្មានពណ៌ គ្មានក្លិន មិនតម្រូវឲ្យមានការព្យាបាលអ្វីទាំងអស់ ត្រឹមតែអនាម័យខ្លួនប្រាណ និងសម្លៀកបំពាក់ប៉ុណ្ណោះ។ នេះបើតាមការបកស្រាយរបស់លោកស្រីវេជ្ជបណ្ឌិត ពឹង ជុតិមា នាយិកាសេវាកម្មគ្លីនិក រ៉ាក់។

ទោះយ៉ាងស្រីៗយើងមួយចំនួនមានជំងឺធ្លាក់សរ៉ាំរ៉ៃជាប់រហូត ដែលសនោះធ្លាក់ដុំៗ មានក្លិនឆ្អាប ឬស្អុយ ពណ៌លឿង ឬបៃតង បង្កការរមាស់នៅទ្វារមាស។ លោកស្រីវេជ្ជបណ្ឌិតឲ្យដឹងថា ស្រីៗយើងមានជំងឺធ្លាក់សប្រភេទនេះ បណ្តាលមកពីកត្តាច្រើនយ៉ាង៖

– កង្វះអនាម័យទ្វារមាស និងខោក្នុង
– ស្លៀកខោរឹបខ្លាំងយូរពេក
– ការប្រែប្រួលអ័រម៉ូន
– ការប្រើថ្នាំ ឬព្យាបាលមិនត្រឹមត្រូវ
– ការប្រើផលិតផលសម្អាតទ្វារមាសផ្តេសផ្តាស
– ការឆ្លងជំងឺកាមរោគពីដៃគូ។

ករណីដែលស្រីៗគ្នាយើងមានធ្លាក់សប្រភេទខាងលើនេះ ត្រូវប្រញាប់ទៅជួបគ្រូពេទ្យដើម្បីព្យាបាលឲ្យទាន់ពេល បើសិនជាទុកយូរអាចធ្វើឲ្យរលាកអាងត្រគាក មានខ្ទុះ ឈានរលាកដៃស្បូន៕

អត្ថបទផ្ដល់ដោយ៖ Hello Krupet

ចុចអាន៖ចំណាំទុក! ធ្លាក់ស ៥ពណ៌ បញ្ជាក់ពីបញ្ហាសុខភាពរបស់ស្រីៗ