ព័ត៌មានជាតិ
មន្រ្តីចរាចរណ៍៖ គ្មានច្បាប់ណាពិន័យ អ្នកបើកបរបំពានភ្លើងសញ្ញាពណ៌លឿង
លោក ថី វិសាល នាយការិយាល័យនគរបាលចរាចរណ៍ផ្លូវគោកបានបញ្ជាក់ថា ពាក់ព័ន្ធអ្នកបញ្ជាយានជំនិះពេលមកដល់ភ្លើងស្តុបពណ៌លឿង បើកបរជ្រុលបានន័យថាកង់ខាងមុខឆ្លងផុតគំនូសជាប់ពណ៌សដែលកាត់ទទឹងផ្លូវ ឬមានគំនូសថ្មើរជើងឆ្លងកាត់ អ្នកបើកបរនៅតែអាចបន្តដំណើរទៅមុខបាន អាចទៅមុខត្រង់ បត់ស្តាំ ឬបត់ឆ្វេង ករណីនេះមន្ត្រីចរាចរណ៍មិនអាចផាកពិន័យបានទេ។
បើតាមលោក ថី វិសាល នាយការិយាល័យនគរបាលចរាចរណ៍ផ្លូវគោកបញ្ជាក់ថា ក្នុងច្បាប់ចរាចរណ៍ផ្លូវគោក មិនមានមាត្រាណាចែងធ្វើការពិន័យសម្រាប់អ្នកល្មើសភ្លើងសញ្ញាចរាចរណ៍ពណ៌លឿងនោះដែរ ក្នុងច្បាប់គឺពិន័យតែលើអ្នកដែលល្មើសភ្លើងសញ្ញាពណ៌ក្រហមតែប៉ុណ្ណោះ។
តែករណីភ្លើងស្តុបពណ៌លឿង បែរជាអ្នកបើកបរឈប់នៅលើគំនូសថ្មើរជើងឆ្លងកាត់ ឬឈប់លើផ្លូវប្រសព្វ អាចបង្កគ្រោះថ្នាក់ចរាចរណ៍ ឬ បង្កឲ្យកកស្ទះ មន្រ្តីនគរបាលចរាចរណ៍អាចធ្វើការពិន័យ ពីព្រោះមិនគោរពចរាចរណ៍។
នៅរាជធានីភ្នំពេញ ភ្លើងសញ្ញាចរាចរណ៍បច្ចុប្បន្នមានពីរប្រភេទ គឺប្រភេទដែលមិនមានសញ្ញាព្រួយមានត្រឹម ៥ ភាគរយ ក្រៅពីនេះគឺមានសញ្ញាព្រួយ ដើម្បីងាយស្រួលសម្រួលចរាចរណ៍។
លោក ថី វិសាលបានបញ្ជាក់ករណីនេះថា ភ្លើងសញ្ញាចរាចរណ៍ពណ៌ក្រហមដែលមិនមានសញ្ញាព្រួយ អ្នកបើកបរអាចបត់ស្តាំបានករណីផ្លូវទំនេរគ្មានឧបសគ្គ ហើយស្ថិតនៅខាងស្តាំដៃបំផុត។ តែបើភ្លើងសញ្ញាចរាចរណ៍មានសញ្ញាព្រួញ អ្នកបើកបរត្រូវគោរពតាមសញ្ញាព្រួយដែលចង្អុលបង្ហាញនោះ។
ជាមួយគ្នានេះដែរ ទាក់ទងចំណុចភ្លើងស្តុបផ្លូវរាងជាអក្សរ T វិញ លោក ថី វិសាលបានបញ្ជាក់ថា អ្នកបើកបរច្រើនយល់ច្រឡំឬល្មើសសញ្ញាចរាចរណ៍ពណ៌ក្រហម។ នៅផ្លូវមានភ្លើងស្តុបប្រសព្វអក្សរ T អ្នកបើកបរត្រូវតែឈប់ដាច់ខាត នៅពីមុខគំនូសអ្នកថ្មើរជើងឆ្លងកាត់។
“ផ្លូវប្រសព្វរាងអក្សរ T ដែលខាងស្តាំគ្មានផ្លូវសម្រាប់បត់ស្តាំ។ ការទៅមុខត្រង់ពេលភ្លើងពណ៌ក្រហម អ្នកបើកបរច្រឡំថាស្មើបត់ស្តាំដែរតែគ្មានផ្លូវបត់។ ក្នុងករណីភ្លើងសញ្ញាពណ៌ក្រហម គឺអ្នកបើកបរត្រូវតែឈប់ បើមិនមានផ្លូវបត់ស្តាំ ក៏មិនអាចទៅមុខបានដែរ ករណីនៅបន្តទៅមុខបានន័យគាត់ល្មើសចរាចរណផ្លូវគោកហើយ”។
លោកលើកឡើងករណីនេះ នគរបាលនឹងធ្វើការពិន័យ តាមប្រភេទយានជំនិះជាម៉ូតូ ឬរថយន្តតាមច្បាប់ដែលកំណត់។
អត្ថបទ៖ ប៊ុណ្ណារ៉ា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១០ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»