ទឹកជំនន់នៅឥណ្ឌា ផ្តាច់ជីវិតមនុស្ស ២៦នាក់

មនុស្សយ៉ាងតិច ២៦ នាក់បានស្លាប់ ក្នុងគ្រោះទឹកជំនន់នៅភាគខាងត្បូងប្រទេសឥណ្ឌា បន្ទា​ប់ពីភ្លៀងធ្លាក់យ៉ាងខ្លាំង បានបណ្តាលឲ្យទឹកទន្លេហូរជន់លិចទីប្រជុំជននិងភូមិនានា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កុមារប្រាំនាក់ស្ថិតក្នុងចំណោមអ្នកស្លាប់ ខណៈមានការភ័យខ្លាចថា ចំនួនអ្នកស្លាប់អាចកើនឡើងបន្ថែមទៀត ដោយសារមនុស្សជាច្រើនកំពុងបាត់ខ្លួន។

ផ្ទះជាច្រើនខ្នង ត្រូវរងការបំផ្លិចបំផ្លាញដោយសារទឹកជំនន់ ហើយមនុស្សត្រូវជាប់នៅក្នុងស្រុក Kottayam នៃរដ្ឋ Kerala។

ភ្លៀងធ្លាក់ខ្លាំងរយៈពេលច្រើនថ្ងៃនៅរដ្ឋ Kerala បានបណ្តាលឲ្យមានការបាក់ដីសម្លាប់មនុស្សហើយយោធាឥណ្ឌា បានចូលរួមក្នុងកិច្ចខិតខំប្រឹងប្រែងជួយសង្គ្រោះ។

ក្រុមមន្រ្តីបាននិយាយកាលពីថ្ងៃអាទិត្យថា ឧទ្ធម្ភាគចក្រត្រូវបានប្រើដើម្បីដឹកគ្រឿងផ្គត់ផ្គង់និងបុគ្គលិកទៅកាន់តំបន់ដែលមានមនុស្សជាប់ក្រោមគំនរបាក់បែក បន្ទាប់ពីការបាក់ដី។

វាជារឿងធម្មតាដែលភ្លៀងធ្លាក់ខ្លាំង បានបង្កឲ្យមានទឹកជំនន់និងការបាក់ដីនៅរដ្ឋ Kerala។

កាលពីឆ្នាំ២០១៨ មនុស្សប្រហែល៤០០នាក់បានស្លាប់ និងជាងមួយលាននាក់ផ្សេងទៀតត្រូវផ្លាស់ទីលំនៅដោយសារទឹកជំនន់ដ៏អាក្រក់បំផុតនៅ Kerala ក្នុងរយៈពេលមួយសតវត្សរ៍៕

ប្រែសម្រួល៖ Vann Vann

ប្រភព៖ BBC

ចុចអាន៖ ស្លាប់កើនដល់ ១៩នាក់ ដោយសារព្យុះ Kompasu នៅ ហ្វីលីពីន